Фарғона вилоят судларининг 2023 йил биринчи чораги давомида одил судловни амалга ошириш борасидаги фаолияти юзасидан

А Х Б О Р О Т

 

Фарғона вилоят суди жиноят ишлари бўйича судлов ҳайъати ва туман, шаҳар судлари томонидан 2023 йил биринчи чораги давомида иш юритувга 2.577 шахсга нисбатан 2.085 та жиноят иши келиб тушган бўлиб, шундан 2.288 шахсга нисбатан 1.968 таси мазмунан кўриб тамомланган.

1.554 шахсга нисбатан 1.290 та жиноят иши бўйича ҳукм чиқарилган, 726 шахсга нисбатан 670 та ишлар тугатилган.

2 та жиноят иши бўйича 4 нафар шахс оқланган.

Суд залидан озод қилинган шахслар сони 161 нафарни ташкил қилган бўлса, ўз навбатида 132 шахс суд залидан қамоққа олинган.

 

Айблов ҳукми чиқарилган ишлар бўйича жазо амалиёти:

2023 йилнинг биринчи чорагида судланган шахсларнинг
124 нафарига жарима, 2 нафарига муайян ҳуқуқдан маҳрум қилиш,
39 нафарига мажбурий жамоат ишлари, 474 нафарига ахлоқ тузатиш ишлари, 457 нафарига озодликни чеклаш, 397 нафарига озодликдан маҳрум қилиш жазоси тайинланган.

 

Судларда оқлов қарорлари чиқарилиши:

Фарғона вилоят суди жиноят ишлари бўйича судлов ҳайъати апелляция инстанцияси томонидан 5 та иш бўйича 5 шахс оқланган бўлса, биринчи инстанция судларида, 2 та иш бўйича 4 шахс оқланган.

 

Судланганлик кўрсаткичи:

2023 йил 1-чорагида 1.554 (2022 йилда 1.806) шахс судланган, бу кўрсаткич ўтган йилнинг шу даврига нисбатан 252 шахсга камайган.

 

Судларда материалларни кўрилиши

2023 йил 1-чорагида жами 2.450 та материаллар кўриб тамомланиб, 2.326 таси қаноатлантирилиб, 124 таси рад этилган.

Шундан 916 шахс жазони ўташдан муддатидан илгари шартли озод қилинган.

Жумладан:

4 шахс озодликдан маҳрум қилиш;

362 шахс озодликни чеклаш;

16 шахс муайян ҳуқуқдан маҳрум қилиш;

520 шахс  ахлоқ тузатиш ишлари;

14 шахс касаллик ёки меҳнат қобилиятини йўқотиш оқибатида жазодан муддатидан илгари шартли озод қилинган.

                    

Судларда маъмурий ишларнинг кўрилиши

2023 йил 1-чорагида судларга жами 16.290 нафар шахсга нисбатан 13.618 та маъмурий иш келиб тушган бўлиб, 15.163 нафар шахсга нисбатан 12.721 та маъмурий ҳуқуқбузарлик тўғрисидаги ишлар мазмунан кўриб тамомланган.

Кўрилган ишларнинг 8.660 нафар шахсга нисбатан 7.731 та иш бўйича маъмурий жазо қўлланган бўлса, 6.530 нафар шахсга нисбатан
4.990 та иш иш юритишдан тугатилган.

 

Фуқаролик ишлари бўйича судларда жами  6.368 та фуқаролик ишлари кўриб тамомланган. (Шундан 6 таси ҳакамлик судларининг ҳал қилув қарорларини мажбурий ижро этиш учун ижро варақаси беришга доир ишларни ташкил қилади) Бу кўрсаткич 2022 йилнинг шу даврида 12.338 тани ташкил қилиб, 5.970 та ёки 48,3 фоизга камайган.

Кўрилган ишлардан 5.066 (10.304) та ҳал қилув қарори чиқарилиб, 4.368 (9.587) та ёки 68,5 (77,7) фоиз даъво талаблари қаноатлантирилган, 698 (717) та ёки 10,9 (5,8) фоизи рад қилинган, 118 (121) та ёки 1,8 (0,9) фоиз иш юритишдан тугатилган, 1178 (1909) та ёки 18,4 (15,4) фоиз ишлар бўйича даъволар кўрмасдан қолдирилган.

Судларда кўрилган ишларнинг 200 (63) таси ёки 3,1 (0,5) фоизи меҳнат муносабатларига оид низолар, 2.937 (2.574) таси ёки 46,1 (20,8) фоизи оила масалалар, шундан 1.710 (1.364) таси никоҳдан ажратиш ҳақида, 451 (169) таси ёки 7,1 (1,4) фоизи уй-жой низолари,
1.807 (8.714) таси ёки 28,3 (70,7) фоизи битимлар билан боғлиқ низолар, шундан 1.239 (7.593) таси кредит ундириш ҳақидаги, 78 (58) таси ёки
1,2 (0,4) фоизи ер муносабатларига доир низолар, 658 (547) таси ёки
10,4 (4,4) фоизи юридик аҳамиятга эга бўлган фактларни белгилаш
237 (213) таси ёки 3,7 (1,7) фоизи бошқа турдаги низоларни ташкил қилган.

Бундан ташқари, фуқаролик ишлари бўйича судларда кўриладиган суд буйруғи билан боғлиқ аризалар 12.691 (3.594) тани ташкил қилиб, ўтган йилга нисбатан 9.097 та ёки 253,1 фоизга кўпайган.

Суд буйруқларнинг сезиларли даража ортишига 2022 йилнинг иккинчи ярмидан кредит шартномасига доир ишларнинг бир қисмини суд буйруғига ўтказилганлиги билан изоҳланади.

Бунинг натижасида алимент миқдорини камайтириш билан боғлиқ низолар 11,5 фоизга камайган.

Бироқ, оила низолари билан боғлиқ бошқа ишлар 363 тага (вилоятнинг барча туман ва шаҳарларида) кўпайган;

меҳнат низолари 137 тага (Фарғона шаҳрида 39 тага, Қўқон шаҳрида  27 тага, Фарғона туманида 18 тага) кўпайган;

никоҳдан ажратиш 346 тага (Учкўприк туманида 48 тага,  Ўзбекистон туманида 39 тага, Фарғона ва Қўқон шаҳарларида 34 тага, Данғара туманида 26 тага, Риштон туманида 24 тага) кўпайган.

Зеро, тарафлар ўртасидаги низоларни келиштириш орқали ҳал қилиш, айниқса қариндошлар ўртасида вужудга келган низоларни кўрилиши улар ўртасида қариндошчилик ришталарини сақланиб қолишига, икки тарафнинг ҳам манфаатли натижага эришишига, пировардида фуқароларнинг узоқ вақт давомида сарсон саргардон бўлиб юришини олдини олади.

Судларда ўтган даврда тарафлар ўртасида келиб чиққан низолар бўйича 33 (21) та фуқаролик ишлари бўйича келишув битими тузилган бўлса, 598 (1109) та ишлар бўйича тарафлар ўзаро келишиб олганлиги, низо барҳам топилганлиги сабабли даъвогарлар томонидан аризани кўрмасдан қолдириш тўғрисида ариза берилган.

Ўтган давр мобайнида судларда никоҳдан ажратиш ҳақидаги 1215 та ишлар бўйича Оила ва хотин-қизлар бошқармасининг қуйи бўлимларидан хулосалар олиниб кўриб чиқилган.

Шундай бўлса-да, никоҳдан ажратиш ҳақида кўрилган ишлар сони 2022 йилнинг шу даври билан таққосланганда 346 та ёки 25,3 фоизга кўпайган.

Ишларни кўриб чиқиш натижаларида келгусида келиб чиқиши мумкин бўлган жиноят ёки ҳуқуқбузарликларни олдини олиш юзасидан ҳуқуқни муҳофаза қилувчи органларга 13 та (7 та) хабарномалар, 228 та (411 та) хусусий ажрим чиқарилиб, жойларга муҳокама қилиш ва зарур чора-тадбирлар белгилаш учун юборилган.

 

Иқтисодий судлари томонидан жами 5 079 та ишлар кўриб чиқилди.

Кўрилган ишлар сони ўтган йилнинг шу даврига нисбатан 64,8 фоизга кўпайиб, жами кўрилган низоли ишларнинг
425 та ёки 8,3 фоизи сайёр суд мажлисларида кўриб чиқилди. 2023 йилнинг 3 ойида 36 та ишлар суд буйруғи тартибида кўриб чиқилиб, бу жами кўрилган ишларнинг 0,7 фоизини ташкил қилди.

Кўрилган ишларни туркумлар бўйича таҳлил қилинганда
2266 (439) таси ёки 44,6 (24,5) фоизи банклардаги ҳисобварақалар бўйича операцияларни тўхтатиб қўйиш билан боғлиқ низоларни, 988 (256) таси ёки 19,4 (14,3) фоизи коммунал хизмат кўрсатиш шартномаси билан боғлиқ низоларни, 446 (178) таси ёки 8,7 (9,9) фоизи маҳсулот етказиб бериш шартномаси билан боғлиқ низоларни, 39 (180) таси ёки 0,7 (10,0) фоизи контрактация шартномаси билан боғлиқ низоларни, 212 (73) таси ёки 4,1 (4,0) фоизи ижара шартномаси билан боғлиқ низоларни, 285 (220) таси ёки 5,6 (12,3) банкрот деб топиш билан боғлиқ низоларни, 93 (4) таси ёки 1,8 (0,2) фоизи молиявий жарима қўллаш билан боғлиқ низоларни ташкил этади.

Иқтисодий судларда 2022 йилнинг 3 ойига нисбатан
 2023 йилнинг 3 ойида 141 та банкрот деб топиш билан боғлиқ ишлар 78,4 фоизга камайган бир вақтда,

Маҳсулот етказиб бериш билан боғлиқ низолар  (446/178) 268 та ёки 60,1 фоизга;

Фарғона, Қўқон, Марғилон, Риштон туман, шаҳарларда;

Коммунал хизмат кўрсатиш шартномаси билан боғлиқ низолар (988/256) 732 та ёки 74,1 фоизга;

Барча туман шаҳарларида бир неча баробарга кўпайган.

Банклардаги ҳисобварақалар бўйича операцияларни тўхтатиб қўйиш билан боғлиқ низолар (2266/439) 1827 та ёки 80,7 фоизга;

Вилоятимизнинг барча туман шаҳарларида бир неча баробарга кўпайган.

Иқтисодий судларда ишларни кўриш жараёнида аниқланган қонун бузилиши ҳолатлари юзасидан айбдор мансабдор шахсларга нисбатан жами 84 та суд таъсир чоралари қўлланилган.

Хусусан, 1 та маъмурий иш қўзғатилган, 8 та моддий жавобгарликка тортиш ва 29 та интизомий жазо чораси қўллаш ҳақида, шунингдек қонунбузарликларнинг олдини олиш юзасидан эса 46 та хусусий ажрим ва хабарномалар чиқарилган.

Вилоят суди ҳамда туманлараро иқтисодий судлари томонидан хусусий тадбиркорлар, кичик бизнес субъектлари ва фермер хўжаликларининг ҳуқуқлари ва қонуний манфаатларини ҳимоя қилишга оид 455 та иш кўрилиб, уларнинг фойдасига 131 млрд. сўм ундириш ҳақида қарорлар қабул қилинган.

Банкротликка оид 258 та ишлар кўрилиб, кредиторлар олдидаги умумий қарздорлиги 93 млрд. сўмни ташкил этган 124 та истиқболи йўқ, иқтисодий ночор корхоналар суд қарорларига асосан банкрот деб топилди.

Статистик маълумотлар таҳлилига кўра, ҳисобот даврида судларга жами бўлиб 2353 та (2022 йилнинг шу даврида
2919 та) мурожаатлар келиб тушган, шулардан 1577 (1742) таси фуқаролик, 714 (1015) таси жиноят ва 62 (157) таси иқтисодий судларга тааллуқли.

Ўтган йилнинг шу даврига нисбатан жами мурожаатларнинг сони 566 тага ёки 19,4 фоизга камайган.

Ҳисобот даврида жами келиб тушган 2353 та мурожаатдан 2261 та ёки 96,1 фоизи тўлиқ ўрганилиб, мазмунан ҳал этилган.

Мазмунан ҳал қилинган 2261 та мурожаатлардан 65 таси ёки 2,9 фоизи қаноатлантирилган, 7 таси ёки 0,3 фоизи рад қилинган, 2189 таси  ёки 96,8 фоиз мурожаатга ҳуқуқий тушунтириш берилган ҳамда 92 та мурожаат қолдиқда қолган.

2023 йилнинг 1-чораги давомида бевосита судларга 215 та (200 та) умумий мазмундаги мурожаатлар келиб тушган бўлиб, ўтган йилнинг шу даврига нисбатан 15 та ёки 7,08 фоизга кўпайган.

944 та (1449 та) мурожаатлар шахсий (сайёр) қабуллар жараёнида қабул қилинган бўлиб, ўтган йилнинг шу даврига нисбатан 505 тага ёки  34,9 фоизга камайган.

Мурожаат қилувчиларнинг 838 нафари бевосита суд биносида (шундан 4 нафари вилоят судининг “ишонч телефони” орқали), 106 нафари сайёр қабул жараёнида қабул қилиниб, улардан 23 та ёзма ва 921 та оғзаки равишда мурожаатлар бўлган.

Вилоят судининг раиси томонидан шахсий қабулда
63 нафар, унинг ўринбосарлари ва судлов ҳайъатлари судьялари томонидан 181 нафар, туман (шаҳар) судлари раислари ва судьялари томонидан 700 нафар мурожаатчилар қабул қилинган.

Иқтисодий судлар томонидан 2023 йил 3 ойлик якуни бўйича Республика бюджетига ихтиёрий тўланган давлат божлари жами 331 та иш юзасидан 976 млн 989 минг сўмни ташкил этган.

2023 йилнинг 3 ойи мобайнида Республика бюджетига ундирилиши белгиланган 1444 та 5 млрд. 574 млн.
489 минг 160 сўмлик ижро ҳужжатлари тегишли Мажбурий ижро бюроларига юборилган бўлиб, шундан, 809 та (56,0%),
2 млрд. 538 млн. 382 минг 430 сўмлик (45,5%) ижро ҳужжатлари ижро қилинган.

 

Амалга оширилган тарғиботлар:

 

2022 йилда Фарғона вилоят судлари томонидан турли ҳуқуқий мавзуларда 499 та маротаба учрашувлар, давра суҳбатлари ўтказилди.

Бундан ташқари, оммавий ахборот воситаларида жами 473 та, шу жумладан телевидениеда 107 та, матбуотда – 92 та, радиода – 49 та,                 веб-сайт ва бошқа ахборот воситаларида 225 та чиқишлар қилинган.

Фарғона вилоят судида Олий суд Пленумининг 2023 йил 20 февралдаги “Судлар томонидан солиқ қонунчилигини қўллашнинг айрим масалалари ҳақида”ги қарори мазмун-моҳиятини тушунтириш ҳамда судлар томонидан солиқ низоларини кўришда ягона суд амалиётини шакллантириш масалаларига бағишланган семинар бўлиб ўтди.

Судьялар ва солиқ хизмати ходимлари учун бирдек аҳамиятли бўлган семинар мобайнида мазкур Пленум қарорининг мазмун-моҳияти ҳақида сўз борди. Унда Олий суд судьялари, Солиқ қўмитаси ва вилоят прокуратураси вакиллари, Фарғона вилояти судларининг иқтисодий, маъмурий ва фуқаролик ишлари бўйича судьялари, шунингдек, солиқ органлари ходимлари иштирок этди.

Маърузаларда судлар томонидан солиқ низоларини кўришда ягона суд амалиётини шакллантириш масалалари муҳокама қилинар экан, Олий суд Пленуми қарорининг судлар томонидан солиқ низоларини кўришда ягона суд амалиётини шакллантириш мақсадида амалиётга жорий қилингани алоҳида таъкидланди.

Шунингдек, семинарда амалиётдан келиб чиққан ҳолда солиқ органлари томонидан солиқ текширувлари натижалари бўйича қарорлар қабул қилишда йўл қўйилаётган қонун бузилиш ҳолатлари, солиқ ҳисоблаш, молиявий жарима ва имтиёзларни қўллаш ҳамда солиқ органларининг қарорлари асосида солиқларни ундиришдаги хатоликларга оид муҳим масалалар ҳам муҳокама қилинди.

Суд-ҳуқуқ тизимидаги ислоҳотларнинг бош мақсади одил судловга эришиш имкониятларини кенгайтиришдир

Мамлакат тараққиётининг янги босқичида ижтимоий-иқтисодий ҳаётимиздаги катта ўзгаришлар билан бирга, суд-ҳуқуқ тизимида ҳам ҳаётбахш ислоҳотлар бўй кўрсатаётгани сир эмас. Соҳадаги ўзгаришларнинг ижобий натижаларини у ёки бу масалада судга мурожаат этган юртдошларимиз ҳам ҳис этмоқда, десак муболаға эмас.

Кейинги йилларда инсон омилисиз одил судловни амалга ошириш, судлар фаолияти очиқлиги, шаффофлиги ва тезкорлигини таъминлаш мақсадида тизимга ахборот коммуникация технологиялари жорий қилинди.

Жумладан, ишларни автоматик тақсимланиши, судларга даъво ариза, ариза ва шикоятларни электрон тартибда мурожаат қилиш тартиби белгиланди. Шунингдек, суд мажлисларига тарафлар масофадан туриб иштирок этиш имконини берувчи видеоконференцалоқа режими татбиқ этилди.

Бу жиҳатлар тизимдаги ўзгаришларнинг бир қирраси, холос. Президентимизнинг 2022 йил декабрь ойида Олий Мажлисга ва Ўзбекистон халқига йўллаган мурожаатномасида суд-ҳуқуқ тизимида ислоҳотлар изчил давом эттирилиши таъкидланди.

Дарҳақиқат, 2023 йил миллий қонунчиликда катта янгилик ва ўзгаришлар билан бошланди. Суд-ҳуқуқ ислоҳотларининг давоми сифатида давлат раҳбарининг “Одил судловга эришиш имкониятларини янада кенгайтириш ва судлар фаолияти самарадорлигини оширишга доир қўшимча чора-тадбирлар тўғрисида” ги ҳамда “Одил судлов фаолиятини амалга оширишни самарали ташкил этиш бўйича қўшимча                                чора-тадбирлар тўғрисида” ги Фармонлари қабул қилинди.

Бу билан суд тизимини кескин ислоҳ қилувчи ўзгаришлар мустаҳкамланиб, тизимни жадал ислоҳ қилинишини таъминлаш, одил судловга эришиш даражасини янада ошириш мақсадида 2023-2026 йилларга мўлжалланган суд тизимини сифат жиҳатидан янги босқичга олиб чиқишнинг қисқа муддатли стратегияси ҳамда ушбу стратегияни амалга ошириш бўйича ҳаракатлар дастури ҳам тасдиқланди.

Стратегия доирасида одил судловни таъминлашнинг устувор вазифалари этиб “Инсон қадри учун” ғояси асосида чинакам адолатли суд тизимини шакллантириш, адолатли суд қарорлари қабул қилинишига эришиш орқали халқнинг, шу жумладан, тадбиркорларнинг суд тизимига бўлган ишончини мустаҳкамлаш, ҳар бир шахс суд ва судьялар сиймосида ўзининг ишончли ҳимоячисини кўришига эришиш зарурлиги қайд этилди.

Фуқаролар ҳамда тадбиркорларга ўз ҳуқуқ ва қонуний манфаатларини судларда ҳимоя қила олиши учун барча имкониятларни яратиш, суд ишларини юритишда тортишув ва тарафларнинг тенглиги тамойилларини тўлақонли рўёбга чиқариш, судлар фаолиятини тўлиқ рақамлаштириш, суд мажлисларида масофадан туриб иштирок этиш имкониятларини кенгайтиришга ҳам алоҳида эътибор қаратилди.

Шу билан бирга, судьяларнинг мустақиллиги ва дахлсизлиги кафолатларини кучайтириш, судга ҳурматсизлик қилиш ва суд ишига аралашиш ҳолатларининг олдини олиш бўйича самарали механизмларни ишлаб чиқиш назарда тутилди. Суд қарорларининг қатъий ижросини таъминлаш, бу борада давлат органлари ва маҳаллий ҳокимликларнинг масъулиятини ошириш, судьялар ва суд ходимларида юксак муомала маданиятини шакллантириш орқали аҳолида суддан ва давлатдан розилик ҳиссини уйғотиш белгиланди.

Фуқароларнинг судма-суд сарсон бўлишига барҳам берилиши, вилоят судларининг одил судловни амалга ошириш борасидаги ваколатларини янада кенгайтириш, суд қарорлари қонуний, асосли ва адолатли қабул қилинганлигини текширишнинг фуқароларга қулай ва соддалаштирилган тартибини яратиш мақсадида мазкур фармонда туманлараро, туман, шаҳар судлари томонидан биринчи инстанцияда кўрилган ишларни вилоят ва унга тенглаштирилган судларда апелляция ёки кассация тартибида қайта кўриб чиқиш ваколати берилмоқда. Бу тартиб амалга ошиши билан одил судловга эришишнинг имкониятлари янада кенгайиб, аҳоли оворагарчилигининг олди олиниши, биринчи инстанция судининг қарор ёки ҳукмидан норози тарафлар вилоят судига апелляция ёки кассация тартибида шикоят қилиб, натижасидан ҳам қониқмаса, иш мазкур судларда тафтиш тартибида қайта кўриб чиқилиши, вилоят ва унга тенглаштирилган судлар томонидан тафтиш тартибида кўрилган ишлар Олий суднинг судлов ҳайъатларида тафтиш тартибида қайта кўриб чиқилиши тартиби белгиланмоқда.

Бундан ташқари, фармонда судьяларнинг чинакам мустақиллигини таъминлаш мақсадида уларнинг ишига ҳар қандай аралашув қатъий жазоланиши, судьяларнинг хавотирсиз ишлаши учун давлат томонидан барча шароитлар яратилиши қайд этилди.  

Мамлакатимиз раҳбарининг ушбу фармонлари “Янги Ўзбекистон – янги суд” тамойили доирасида аҳолининг одил судловга эришиш имкониятларини янада кенгайтириш, суд-ҳуқуқ тизимини ислоҳ қилишни жадаллаштириш, соҳага илғор халқаро стандартларни жорий этиш, суд ҳокимиятининг чинакам мустақиллигини таъминлаш, судлар фаолияти самарадорлиги ва одил судлов сифатини ошириш, судлар фаолиятида очиқлик ва шаффофликни таъминлаш билан бир қаторда, фуқаро ва тадбиркорларнинг ҳуқуқ ҳамда қонуний манфаатларини ҳимоя қилиш кафолатларини кучайтириш имконини беради.

 

Бурхонжон Мамажонов, Фарғона вилоят судининг судьяси

Олий суд раиси ўринбосари Ҳ.Тўрахўжаев бошчилигида Фарғона вилояти Қўштепа туманида сайёр қабул ташкил этилиб, унда жисмоний ва юридик шахсларнинг суд-ҳуқуқ масалаларига доир мурожаатлари ўрганиб чиқилди.

Айтиш керакки, фуқароларнинг судларга бўлган ишончини мустаҳкамлашда жойларда ташкил этиладиган қабулларнинг ўрни беқиёс. Зотан, бундай учрашувлар фуқароларнинг эшикма-эшик сарсон бўлишларининг олдини олишга, муаммоларни имкон қадар тезкор ҳал этишга хизмат қилиши баробарида мурожаатчиларнинг ҳуқуқий маданиятини юксалтиришга ҳам хизмат қилади.

Ўзбекистон Республикаси Президентининг 2023 йил 16 январдаги “Одил судловга эришиш имкониятларини янада кенгайтириш ва судлар фаолияти самарадорлигини оширишга доир қўшимча чора-тадбирлар тўғрисида”ги Фармони билан тасдиқланган 2023-2026 йилларга мўлжалланган суд тизимини сифат жиҳатидан янги босқичга олиб чиқишнинг қисқа муддатли стратегиясини амалга ошириш бўйича ҳаракатлар дастурида ҳам юқоридаги жиҳатларга алоҳида эътибор қаратилган бўлиб, пировард мақсад адолатли суд қарорлари қабул қилинишига эришиш орқали халқнинг, шу жумладан, тадбиркорларнинг суд тизимига ишончини мустаҳкамлашдан иборат.

Ўтказилган сайёр қабулда 31 нафар фуқаронинг жиноят, фуқаролик, иқтисодий ва маъмурий ишлар бўйича мурожаатлари кўриб чиқилди.

Мурожаатларнинг 15 таси бўйича ҳуқуқий тушунтириш берилиб, 9 та мурожаат юзасидан аризалар Олий суд томонидан кассация тартибида ҳал қилиш учун қабул қилинди. 7 та мурожаат жойида ўз ечимини топди.

Шунингдек, сайёр қабул доирасида ўтказилган сайёр суд мажлисларида содир қилган жиноий қилмиши учун суд ҳукми билан жазони ўтаётган 20 нафар фуқаро қилмишидан пушаймонлиги, тегишли хулоса чиқарганлиги, тузалиш йўлига қатъий ўтганлигини муносабати билан жазони ўташдан муддатидан илгари шартли равишда озод қилинди. 6 та маъмурий ҳуқуқбузарлик тўғрисидаги ишлар бўйич тарфалар яраштирилди.

Фуқаролик ишлари бўйича судлар томонидан иш ҳақи, алимент ундириш бўйича мурожаатлар ўрганиб чиқилиб, суд буйруқлари чиқарилди ва ижрога қаратилди.

Навбатдаги сайёр қабул давом этмоқда.

Skip to content