«Судья ва ёшлар» учрашуви бўлиб ўтди

«Судья ва ёшлар» учрашуви бўлиб ўтди

 

• Бугун Фарғона давлат университетида бўлиб ўтган “Судья ва ёшлар” учрашувида Ўзбекистон Республикаси Олий суди раисининг биринчи ўринбосари Икрам Муслимов, Олий суд Кадрлар бошқармаси бошлиғи Музаффар Мухитдинов, вилоят судлари раислари, профессор-ўқитувчилар, талабалар ва ёшлар иштирок этдилар.

  Дастлаб М.Мухитдинов суд тизими ҳамда суд тизимидаги ходимлар учун яратилган шароит ва имкониятлар, ижтимоий кафолатлар ҳақида маълумот берди.

  Шундан сўнг, И.Муслимов соҳадаги ислоҳотларга тўхталиб, судьялик касбининг масъулиятини, адолат, инсон ҳуқуқ ва манфаатларини таъминлашдаги аҳамиятини, келгусида мазкур тизимда фаолият олиб боришни истаган ёшлар чуқур билим олишга интилишлари, ўз устида тинимсиз ишлашлари зарурлигини таъкидлади.

  Тадбир доирасида, И.Муслимов ва ёшлар ўртасида жонли савол-жавоб бўлиб ўтди. Ёшлар ўзларини қизиқтирган суд-ҳуқуқ масалалари, қонунларнинг қўлланилиши ва суд тизимидаги ўзгаришлар ҳақида саволлар беришди. Суд тизими вакиллари бу саволларга атрофлича ва тушунарли тарзда жавоб бериб, ёшлар ўртасида ҳуқуқий билимларни оширишга қаратилган очиқ мулоқотни таъминладилар. Ушбу жонли мулоқот ёшларнинг ҳуқуқий онгини оширишга, суд тизимига бўлган ишончини янада мустаҳкамлашга хизмат қилди.

  Тадбирнинг энг муҳим қисмларидан бири – Ўзбекистон Республикаси Олий суди ва “Фарғона давлат университети” ўртасида юридик кадрларни тайёрлаш соҳасидаги ўзаро ҳамкорлик тўғрисида меморандум имзолангани бўлди. Ушбу меморандумга кўра, томонлар ўзаро тажриба алмашиш, суд-ҳуқуқ масалаларида илмий-тадқиқот фаолиятини ривожлантириш ва юридик кадрларни тайёрлаш соҳаларида ҳамкорлик қилиш режалаштирилди.

  Тадбир якунида иштирокчилар биргаликда келажакдаги ҳамкорлик режаларини белгилаб олишди.

Ўзбекистон Республикаси Олий суди раисининг биринчи ўринбосари Икром Муслимов томонидан Фарғона шаҳрида Ўзбекистон Республикаси Президентининг 2024 йил 10 июндаги “Тезкор-қидирув ҳамда тергов фаолиятида шахснинг ҳуқуқ ва эркинликларини ишончли ҳимоя қилиш кафолатларини янада кучайтириш чора-тадбирлари тўғрисида”ги Фармони мазмун-моҳияти юзасидан семинар ўтказилди

Ўзбекистон Республикаси Олий суди раисининг биринчи ўринбосари Икром Муслимов томонидан Фарғона шаҳрида Ўзбекистон Республикаси Президентининг 2024 йил 10 июндаги “Тезкор-қидирув ҳамда тергов фаолиятида шахснинг ҳуқуқ ва эркинликларини ишончли ҳимоя қилиш кафолатларини янада кучайтириш чора-тадбирлари тўғрисида”ги Фармони мазмун-моҳияти юзасидан семинар ўтказилди.

Судьялар, тергов тизими ходимлари, аҳоли вакиллари иштирок этган семинарда И.Муслимов томонидан “Ўзбекистон – 2030” стратегиясида белгиланган устувор йўналишлардан келиб чиқиб, юқоридаги Фармонга асосан 2025 йил 1 январдан бошлаб:

жиноят ишлари бўйича судга қадар иш юритув даврида процессуал қарорларга санкция бериш масаласи жиноят ишлари бўйича туман, шаҳар судларида алоҳида судьялар — тергов судьялари томонидан кўриб чиқилиши тартиби ўрнатилиши;

жиноят ишлари бўйича туман, шаҳар судларида тергов судьяси лавозими жорий этилиши;

тергов судьяларига маъмурий ҳуқуқбузарликлар тўғрисидаги ишларни кўриб чиқиш ваколати берилиши ва бошқалар ҳақида маълумот берилди.

Шунингдек, тергов судьясига 11 турдаги санкциялар ва мажбурлов чораларини қўллаш масаласини кўриб чиқиш ваколати ҳам берилганлиги юзасидан алоҳида тушунтиришлар берилди.

Ушбу ўзгаришлардан кўзланган мақсад судлар фаолияти самарадорлигини янада ошириш, ишни судга қадар юритишда тарафларнинг тенглиги ва тортишуви принципини амалда чинакам таъминлаш, шунингдек, тезкор-қидирув ҳамда тергов фаолиятида шахснинг ҳуқуқ ва эркинликларини самарали ҳимоя қилинишига эришишдан иборат эканлиги таъкидланди. Семинар иштирокчилари билан фикр-мулоҳазалар алмашилиб, уларни қизиқтирган саволларга батафсил жавоблар берилди.

Фарғона вилоят судлари судьялари малака ҳайъати томонидан доимий равишда профилактик ишлар амалга ошириб борилмоқда

Фарғона вилоят судлари судьялари малака ҳайъати раиси Д.Махаматов ҳамда раис ўринбосарлари О.Хасанов ва А.Абдурахмановлар томонидан туманлараро, туман (шаҳар) судлари судьяларининг судьялик қасамёди ва “Судьялар одоби кодекси”га ҳамда суд ходимларининг юриш-туриш қоидаларига, меҳнат ва ижро интизомига риоя этиши аҳволи ўрганилиб, тизимда коррупциявий ҳолатларни келиб чиқишини олдини олиш борасида доимий равишда профилактик суҳбатлар ўтказиб борилмоқда.

Суҳбатларда судьялик қасамёди, суд этикаси ва жамиятда юриш-туриш коидалари, Судьялар одоби кодексига қатъий риоя этиш, касбий вазифаларини виждонан бажариш, фуқаролар билан мулоқотда ҳушмуомалалик ва юксак маданият билан ёндашиш, ишлар ва мурожаатларни белгиланган муддатларда кўрилишини таъминлаши, сансоларликка ва иш кўрилишини асоссиз чўзилишига йўл қўймаслик, асоссиз қолдирмаслик, жисмоний ва юридик шахсларни овора қилмаслик, холислигига шубҳа туғдирадиган ҳолатлардан ва суднинг обрўсига путур етказувчи бошқа ҳаракатлардан тийилиш лозимлиги уқтирилди.

Шунингдек, суд қарорларининг барқарорлиги ва уларнинг сифатини яхшилашга эришиш, аризаларни асоссиз қайтармаслик, бир иш юзасидан турли хил мазмунда суд қарорлари чиқарилишини олдини олиш, суд ишларини юритишда ишда иштирок этувчи шахсларнинг процессуал ҳуқуқларини тўлиқ таъминлаш, суд қарорларини манфаатдор шахсларга ўз вақтида бериш, суд ҳужжатларини электрон ахборот тизимига ўз вақтида тўғри киритиб бориш, суд қарорларини кечиктирмасдан ўз вақтида ижрога қаратиш масалаларига алоҳида этибор қаратиш лозимлиги таъкидланди. Суҳбатлар давомида судларда фаолият олиб бораётган судья ва суд ходимларнинг ҳам фикр-мулоҳазалари, таклифлари эшитилди.

Одам савдоси билан шуғулланганга суд ҳукми ўқилди

Фарғона вилоят суди ҳамда Мажбурий ижро бюросининг Фарғона вилояти бошқармаси ҳамкорлигида суд ҳужжатлари ижросини амалга ошириш жараёнида юзага келаётган муаммоларни ҳал этиш масалаларига бағишланган семинар ўтказилди

Суд ҳужжатлари ижросининг қонуний муддатларда тўлиқ таъминланиши судларнинг нуфузини ошириш баробарида, жисмоний ва юридик шахсларнинг судларга бўлган ишончини мустаҳкамлаш, уларнинг манфаатларини кафолатли ҳимоялашга хизмат қилади.

Шу муносабат билан тадбирда вилоят суди раисининг ўринбосари Б.Вахобов ҳамда бюронинг вилоят бошқармаси бошлиғи А.Алимов раислигида кун тартибидаги республика судлари томонидан давлат фойдасига ундирилиши лозим бўлган маблағларни тўлиқ ундирилиши, бюджетга ўз вақтида ўтказилиши, судлар томонидан белгиланган жарималар ва давлат божлари ундириш ҳақидаги суд ҳужжатларини ўз вақтида ижрога қаратилиши, шунингдек бугунги кунга қадар ижроси таъминланмаган ижро ҳужжатларининг ҳолати туманлараро, туман, шаҳар судлари раислари ва масъул ходимлар ҳамда бюро ва унинг ҳудудий бўлимлари ходимлари иштирокида муҳокама қилинди.

Муҳокама жараёнида бир қатор муаммолар юзасидан фикр алмашилиб, бажарилиши лозим бўлган вазифалар белгилаб олинди.

Олий суд, АҚШ Халқаро тараққиёт агентлиги (USAID) ҳамда “East-West Management Institute” ННТ Ўзбекистондаги филиалининг “Суд тизимини мустаҳкамлаш” (JSSA) қўшма лойиҳаси доирасида Фарғона вилоят судида судьялар ва суд ходимлари учун суд ҳокимияти органлари фаолиятини рақамлаштириш, судлар ва бошқа идоралар ўртасида маълумот алмашинувини яхшилаш, шунингдек судларда мавжуд ахборот тизимлари қулайликлари бўйича семинар-тренинг ўтказилди.

Олий суднинг Aхборот-коммуникация технологияларини жорий қилиш ва ахборот хавфсизлигини таъминлаш бошқармаси бошлиғи Ж. Умаров, Фарғона вилоят суди раисининг ўринбосари О. Ҳасанов ва “Суд тизимини мустаҳкамлаш” қўшма лойиҳаси раҳбари С. Простран иштирок этган тадбирда судья ва суд аппарати ходимлари учун судлар фаолиятига жорий қилинган “Адолат” ахборот тизимлари комплексининг имкониятлари ва қулайликлари, тизимда иш юритиш тартиби, ташқи ахборот тизимлари билан йўлга қўйилган интеграциялар юзасидан маълумот ва тушунтиришлар берилди.

Фарғона вилоят судлари судьялари малака ҳайъати томонидан тизимда коррупциявий ҳолатларни келиб чиқишини олдини олиш борасида профилактик суҳбатлар ўтказилди

Фарғона вилоят судлари судьялари малака ҳайъати раиси Д.Махаматов ва малака ҳайъати аъзоси А.Абдурахманов томонидан туманлараро, туман ва шаҳар судлари судьяларининг судьялик қасамёди ва “Судьялар одоби кодекси”га ҳамда суд ходимларининг юриш-туриш қоидаларига, меҳнат ва ижро интизомига риоя этиши аҳволи ўрганилиб, тизимда коррупциявий ҳолатларни келиб чиқишини олдини олиш борасида профилактик суҳбатлар ўтказилди.
Суҳбатларда суд тизимида амалга оширилаётган ислоҳотлар ҳақида сўз юритилиб, мазкур жараёнлар сабабли судья ва суд ходимлари учун етарли имкониятлар, ижтимоий кафолатлар яратилгани, иш шароитларини яхшилаш масалаларига ҳам алоҳида эътибор қаратилаётгани таъкидланди.
Шу билан бирга юқори малакали, чуқур билим ва кўникмаларга эга кадрлар ёрдамидагина судларнинг чинакам мустақиллигини таъминлаш, уларнинг фаолияти самарадорлиги ва одил судлов сифатини оширишдек эзгу мақсадларга эришиш мумкинлиги айтилиб, суд идорасига адолат истаб келган инсон энг аввало ўзининг қандай қабул қилинганлигига, у билан бўладиган мулоқотнинг самимийлигига қараб, суд тизимига бўлган муносабатини шакллантириши, бу ўринда эса бугун судларда фаолият олиб бораётган ҳар бир судья ва ходим касбий одоб-ахлоқ қоидаларига риоя қилган ҳолда, ўз вазифасини сидқидилдан адо этиши, мазкур жараёнда тамагирлик, коррупция каби иллатларга қўл урмаслиги лозимлиги уқтирилди.
Салоҳиятли, ҳар томонлама малакали суд кадрларининг шаклланиши, судларда фуқароларнинг ҳуқуқ ва эркинликларини ишончли ҳимоя қилинишини таъминланиши тушунтирилиб, судья ва ходимларига доимий равишда билим ва дунёқарашини кенгайтириш, малакасини ошириб бориш ҳақида топшириқлар берилди.
Суҳбатлар давомида судларда фаолият олиб бораётган судья ва ходимларнинг ҳам фикр-мулоҳазалари эшитилди.

Фарғона вилояти Ички ишлар бошқармасида тергов сифатини янада яхшилаш масалаларига бағишланган ўқув семинари ўтказилди.

Ички ишлар органлари терговчилари иштирокида видеоконференцалоқа шаклида ташкил этилган тадбирда Фарғона вилоят судининг судьяси Т. Ваҳобов ўтган 2023 йилда тергов ва суриштирув органи томонидан йўл қўйилган айрим камчиликлар бўйича мулоҳазаларини баён этди.

Семинарда Фарғона вилоят суди раиси А. Утаев кун тартибидаги мавзу юзасидан ўз фикрларини билдирди.

«Ибратли судья»: фарғоналик судья тақдирланди

Менинг Конституциям 31 ёшда

Ўзбекистон Республикаси Конституцияси қабул қилинганлигининг 31 йиллиги муносабати билан Фарғона давлат университети ва Қўқон давлат педагогика институтларида Фарғона вилояти судлари тизимида фаолият юритаётган ходимлар иштирокида “Менинг Конституциям 31 ёшда” шиори остида “Менинг Конституциям ва давлат тилим” мавзусида оммавий диктант ўтказилди.