Ибратли судья»: фарғоналик судья тақдирланди

Сўнгги йилларда одил судловни амалга ошириш йўлидаги ислоҳотлар самараси судьялар фаолиятида ҳам ўз аксини топмоқда.

Президентимизнинг 2020 йил 7 декабрдаги “Судьяларнинг чинакам мустақиллигини таъминлаш ҳамда суд тизимида коррупциянинг олдини олиш самарадорлигини ошириш чора-тадбирлари тўғрисида»ги тегишли фармони билан судьяларнинг одил судловни амалга оширишдаги фаолиятини рағбатлантириш чоралари кўрилмоқда. «Ибратли судья» мукофоти, одил судловни амалга оширишда узоқ йиллар давомида самарали меҳнат қилиб, нафақага чиққан судьялар учун “Суд фахрийси” кўкрак нишони жорий этилди.

Мазкур фармондан келиб чиқиб, Судьялар олий кенгаши томонидан “Судьялар фаолиятини баҳолаш бўйича электрон рейтинг тизими» яратилди. Унга кўра, энг яхши деб топилган судьялар йил якунида “Ибратли судья” мукофоти билан тақдирланиши ҳам кўрсатилган эди. Мукофотга номзодларни саралаш натижаларидан келиб чиқиб, мамлакатимиз суд тизимида фаолият юритаётган 20 нафар судья “Ибратли судья” мукофоти билан тақдирланди. Судьялар олий кенгаши томонидан онлайн шаклда ўтказилган тадбирда улар тантанали равишда тақдирланди. Улар орасида жиноят ишлари бўйича Қувасой шаҳар судининг раиси Рустамжон Зарипов ҳам бор.

Рустамжон Зарипов айни вақтда жиноят ишлари бўйича Қувасой шаҳар судининг раиси лавозимида ишлаб келмоқда. Таъкидлаш жоизки, рейтинг профессионализм, одоб-ахлоқ қоидаларига риоя этиш, мурожаатлар билан ишлаш, билим даражаси, қабул қилинган суд қарорларининг сифати каби мезонлар асосидаги тўплаган баллари ҳисобидан шакллантирилади.

Шу маънода ушбу мукофотга ҳақли равишда муносибларгина эга бўлади. Судлар фаолиятида илк маротаба таъсис этилган ва топширилган бу каби мукофот жамиятимизда мустақил ва одил суд тизимига эришишда ҳар бир судья учун рағбатдир, ўз навбатида улкан маъсулият ҳам юклайди.

“Harakatlar Dasturi ijrosida tergov sifati va samaradorligini oshirish talabi”

Fargʻona viloyat prokuraturasida jinoyat ishlari boʻyicha tegishli maʼlumotlarni “Elektron jinoiy huquqiy-statistika” yagona axborot tizimiga oʻz vaqtida toʻliq va haqqoniy kiritilishi, tergov va sud amaliyotidagi yuzaga kelayotgan muammolar hamda ularni bartaraf etish masalalari muhokama qilindi.

Tashkil etilgan seminarda Oʻzbekiston Respublikasi Oliy sudi Rayosati qarorlarida belgilangan topshiriqlar va vazifalarning ijrosi yuzasidan Fargʻona viloyat sudining 2022-yilga moʻljallangan Harakatlar Dasturining 82-bandi ijrosi boʻyicha viloyat prokuraturasi tarkibiy tarmoq rahbarlari, viloyat sudining sudyalari, tuman (shahar) prokurorlarining sohaviy oʻrinbosarlari, yordamchilari, prokuratura, IIB. DXX, bojxona, Milliy gvardiya, Departament va MIB viloyat boshqarmalarining tergovchi va surishtiruvchilari ishtirokida sohada yoʻl qoʻyilayotgan xato-kamchiliklar muhokama qilinib, ularni oldini olish va yagona tergov hamda sud amaliyotini yaratish boʻyicha tegishli tavsiyalar berildi.
Shuningdek, uchrashuv jarayonida viloyat hamda jinoyat ishlari boʻyicha tuman (shahar) sudlarida ishlarni sudda koʻrish davomida aniqlangan surishtiruv va dastlabki tergov organlari tomonidan yoʻl qoʻyilayotgan xato va kamchiliklarni barataraf etish choralarini koʻrish yuzasidan tegishli chora-tadbirlab belgilab olindi.

Доимий комиссия йиғилишида ажримлар ҳамда ноқонуний никоҳларнинг олдини олиш масалалари кўриб чиқилди

Бугун халқ депутатлари Бағдод тумани Кенгаши ҳузуридаги “Ёшлар сиёсати, хотин-қизлар ва гендер тенглик масалалари бўйича доимий комиссияси”нинг йиғилиши бўлиб ўтди. Йиғилишда, туманда ажримлар ҳамда ноқонуний никоҳларнинг олдини олиш, хотин-қизлар бандлигини таъминлаш бўйича амалга оширилаётган ишлар таҳлил қилинди.

 

Фуқаролик ишлари бўйича Риштон туманлараро суди раиси Шерзод Ахунбаев 2022 йилнинг ўтган 9 ойи давомида Бағдод туманидан ажрим бўйича келиб тушган мурожаатлар таҳлили юзасидан, ушбу муддатда суд томонидан никоҳдан ажратиш тўғрисида жами 753 та иш кўриб чиқилган бўлиб, уларнинг 254 таси Бағдод тумани “ҳисса”сига тўғри келгани, шундан 162 таси қаноатлантирилиб, 77 таси рад этилгани, 14 таси кўрмасдан қолдирилгани ва 1 таси иш юритишдан тугатилганини маълум қилди.

 

Таъкидланишича, шу даврда суд томонидан туман бўйича 321 та алимент ундириш юзасидан 321 та, моддий таъминот ундириш юзасидан 135 та, оилавий низолар юзасидан 26 та, уй-жой низолари юзасидан эса 17 та иш кўриб чиқилган.

 

Йиғилишда, туман ҳокими ўринбосари – оила ва хотин-қизлар бўлими бошлиғи Т.Тожиеванинг жорий йилнинг ўтган даври давомида туманда ажримлар ва ноқонуний никоҳларнинг олдини олиш ҳамда хотин-қизлар бандлигини таъминлаш бўйича олиб борилган ишлар юзасидан ҳисоботи эшитилди.

 

Маълум қилинишича, ажримлар ҳамда шаръий никоҳларнинг олдини олиш юзасидан маҳалла фуқаролар йиғинларида кенг қамровли 300 дан зиёд тарғибот тадбирлари ўтказилди. Бунинг самарасида шаръий никоҳдаги 13 та оила ФҲДЁ бўлимида рўйхатдан ўтказилиб, никоҳ расмийлаштирилди. Шунингдек, Ўзбекистон Республикаси Вазирлар Маҳкамасининг 2020 йил 31 декабрдаги “Оила институтини янада ривожлантириш ва ёшларни оилавий ҳаётга тайёрлаш чора-тадбирлари тўғрисида”ги 820-сонли Қарори ижросини таъминлаш мақсадида, туманда “Ёшларни оилавий ҳаётга тайёрлаш” ўқув маркази ташкил этилган бўлиб, жорий йил бошидан буён ушбу марказда 500 нафардан зиёд никоҳланувчи ёшлар оилавий ҳаётга тайёрланди.

 

–  Ажрим ёқасига келиб қолган, низоли оилаларга маҳалладаги намунали оилалар, фаоллар мураббий сифатида бириктирилган, “Ота-оналар университети” машғулотларига жалб этиш орқали муаммоли оилаларда ўзаро муносабатларни мустаҳкамлашга кўмаклашилмоқда, – дея таъкидлади Т.Тожиева. Натижада, ажрим ёқасида турган 105 та оиланинг 92 тасида соғлом муҳит шакллантирилди ва томонлар яраштирилди.

 

Йиғилишда, шунингдек, ажрим сабаблари ҳам кўриб чиқилди. Таҳлилларга кўра, фарзандсизлик сабабли – 17 та (2021 йилнинг мос даврига нисбатан 15 тага камайган), узоқ йиллар бир оила бўлиб яшамаслик сабабли – 53 та (ўтган йили – 0 та), учинчи шахс аралашуви сабабли – 47 та (ўтган йили – 34 та), спиртли ичимлик истеъмоли сабабли – 3 та ( ўтган йили – 2 та), характери тўғри келмагани сабабли – 69 та (ўтган йили – 57 та), никоҳланувчиларнинг оилавий ҳаётга тайёр эмаслиги сабабли – 42 та (ўтган йили – 35 та), гиёҳвандлик моддалари истеъмоли сабабли – 3 та (ўтган йили – 2 та) оилага дарз кетган.

   

Йиғилиш якунида, жамият ва давлат тараққиётида ажримларнинг салбий таъсири (фуқаролик ишлари бўйича Риштон туманлараро суди судьяси – Ойбек Жиянов) ҳамда Ислом дини ва шариатда никоҳ, оила ва бошқа ижтимоий муносабатлар хусусидаги қарашлар (туман Бош имоми – Соҳибжон Аҳмедов), оилалардаги фарзандларни ижтимоий ҳимоялашнинг амалдаги тартиб-таомиллари (туман пенция жамғармаси бошлиғи – Собитали Собиров) юзасидан мулоҳаза юритилди.

Архив иши юритиш мавзусида вилоят, туманлараро, туман, шаҳар, маъмурий судларининг архив мудири ва архивариуслари ҳамда Фарғона юридик техникумининг талабалари иштирокида ўқув семинари ўтказилди

Фарғона вилоят судининг жиноят ишлари бўйича судлов ҳайъати раиси Б.Вахобов, вилоят судининг судьяси Р.Қосимов, Фарғона вилоят архив иши ҳудудий бошқармасининг бош консультанти А.Юсупов, вилоят судининг барча судлов ҳайъатлари, туманлараро, туман, шаҳар судларининг архив мудирлари ва архивариуслари, Фарғона юридик техникуми талабалари иштирокида ўқув семинар ўтказилди.
Семинар жараёнида туманлараро, туман (шаҳар) судларининг архивлар ҳақида тушунча, электрон архивнинг қулайлиги сабаблари, ташкилот ва корхоналардаги архив иши ва иш юритиш ҳолати устидан ўтказилган давлат назорати ва ҳужжатларни рақамлаштириш, архивлаштириш ва реставрация иш турлари, шунингдек суд соҳасидаги эксперт комиссиясининг ўрни, судлар фаолиятида архив иши билан боғлиқ қонунлар ва ҳуқумат қарорларини тўғри тадбиқ қилишни, хато ва камчиликларга йўл қўйилмасликни, тарихий аҳамиятга эга бўлган ҳужжатларни асраш, жамлаш, сақлаш тартиби юзасидан тушунтиришлар берилди.
Семинар сўнггида, архив ишларига масъул бўлган ходимларни қизиқтирган саволларига тегишли жавоблар берилди.
Шу билан бирга семинар қатнашчилари Фарғона вилоят судида ташкил этилган музейига ташриф буюриб, тарихий аҳамиятдаги бўлган ҳужжатлар ҳақида қисқача маълумотлар олди.

Она тили – бу миллатнинг руҳидир…

Тил – Давлат тимсоли, мулки, руҳи, миллатнинг маданий ва маънавий бойлиги, халқнинг маданияти, урф-одати, унинг турмуш тарзи, тарихидир.

1989 йилнинг 21 октябрь куни Ватанимизда Давлат тилининг ҳуқуқий асосларини белгилаш бўйича “Давлат тили тўғрисида”ги Қонун қабул қилиниб, унга кўра Ўзбек тилига – Давлат тили мақоми берилди.

Ўзбек тилига давлат тили мақоми берилганига 33 йил тўлиши ва мазкур сана “Ўзбек тили байрами” сифатида нишонланиши муносабати билан бутун республика миқёсида қатор маданий-маърифий тадбирлар ташкил этилмоқда.

Шу муносабат билан, жорий йилнинг 21 октябрь куни Фарғона вилоят судида барча судья ва суд ходимлари иштирокида видеоконференцалоқа тизими орқали Она тили – бу миллатнинг руҳидир…” мавзусида маърифат соати ўтказилди. Тадбирда Фарғона давлат университети профессори Филология фанлари доценти Исмойилжон Ҳожалиев ва Ўзбекистон ёзувчилар уюшмаси аъзоси Фарғона политехника институти давлат тили ривожлантириш бўйича ректор маслаҳатчиси Фарида Турсуновалар иштирок этди.
Давра суҳбатида ўзбек тилининг ҳуқуқий мақомини белгилашда енгиб ўтилган қийинчиликлардан тортиб ҳозирги кунда тилимизнинг бой имкониятларидан кенг фойдаланиш учун яратилган шарт – шароитлар ҳамда давлат тилини янги поғонага олиб чиқиш борасида қилинаётган саъй-ҳаракатлар алоҳида эътироф этилди.
Ўзбек тилининг халқаро миқёсдаги обрў-эътиборини юксалтириш учун уни миллий ва умумбашарий тушунчалар асосида тараққий этган тиллар сафига киритишда ўз ҳиссамизни қўшишимиз зарурлиги ҳамда ҳар биримиздан тилимизга чуқур ҳурмат билан ёндашишни талаб этиши таъкидланди.

Skip to content