Вилоят суди раиси соврини учун Фарғонада судья ва суд ходимлари ўртасида югуриш мусобақаси ўтказилди

Ўзбекистон Республикаси Президентининг 2020 йил 30 октябрдаги «Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида»ги ПФ-6099-сонли Фармонида белгиланган вазифалар ижроси юзасидан тасдиқланган «Фарғона вилоят суди тизимида оммавий спортни ривожлантириш ва соғлом овқатланиш турмуш тарзини тарғиб қилиш бўйича чора-тадбирлар дастури» ижроси юзасидан Фарғона вилоят судлари судьялари ва суд ходимлари ўртасида эркаклар учун 3 километр, аёллар учун 2,5 километр масофага югуриш мусобақаси бўлиб ўтди.
Мусобақада, Фарғона вилоят суди жиноят, фуқаролик ва иқтисодий ишлар бўйича судлов ҳайъатлари, жиноят ишлари бўйича Фарғона минтақаси судлари, жиноят ишлари бўйича Қўқон минтақаси судлари, фуқаролик ишлари бўйича туманлараро судлари ва иқтисодий ишлар бўйича туманлараро судларининг судьялари ва суд ходимлари иштирок этди.

Мусобақа натижасига кўра, аёллар ўртасида биринчи ўринни Марғилон туманлараро иқтисодий судининг ходими Дилшода Рахмонова ҳамда эркаклар ўртасида биринчи ўринни шу суднинг ходими Хасанов Хусанжонлар қўлга киритиб, мусобақанинг мутлоқ ғолибига айланди.

Мусобақа якунида ғолиблар вилоят суди раисининг дипломлари ҳамда эсдалик совғалари билан тақдирланди.

Эълон

Ўзбекистон Республикаси Судьялар олий кенгаши ҳузуридаги Судьялар олий мактаби Судьялик лавозимларига номзодларни тайёрлаш курсига 2022/2023 ўқув йили учун (фуқаролик, жиноят, иқтисодий ва маъмурий ихтисосликлар бўйича) талабгорлар қабули давом этмоқда.
Тайёрлаш курсига ўттиз тўрт ёшдан кичик бўлмаган, олий юридик маълумотга ва юридик ихтисослиги бўйича камида етти йиллик иш стажига эга бўлган Ўзбекистон Республикаси фуқаролари қабул қилинади.
Тайёрлаш курси бир йиллик ўқув дастури бўйича давлат грантлари асосида амалга оширилади.
Талабгорлар қуйидаги ҳужжатларни Судьялар олий мактаби ёки Фуқаролик ва жиноят ишлари бўйича Қорақалпоғистон Республикаси, вилоятлар, Тошкент шаҳар судлари ва ҳарбий судлар судьяларининг малака ҳайъатларига топширишлари лозим:
тайёрлаш курси ихтисослиги номини кўрсатган ҳолда Олий мактаб директори номига ариза;
талабгор томонидан шахсан тўлдирилган сўровнома ва таржимаи ҳол;
Ўзбекистон Республикаси Судьялар олий кенгаши томонидан белгиланган намунадаги шахсий варақа (объективка) ва яқин қариндошлари (талабгор ва унинг турмуш ўртоғининг ота-онаси, ака-ука ва опа-сингиллари, шунингдек талабгорнинг фарзандлари) тўғрисидаги маълумотнома, шу жумладан электрон шаклда;
олий юридик маълумот тўғрисидаги диплом (таълим йўналиши: юриспруденция; таълим шифри: 5240100 (ёки 5380100 ) ва унинг иловаси нусхалари (нотариал тартибда тасдиқланган  ёки, агар ходим давлат органида ишлаётган бўлса, ушбу давлат органининг муҳри билан тасдиқланган нусхаси);
талабгорнинг паспорт ёки ID картаси нусхаси;
меҳнат дафтарчаси нусхаси (нотариал тартибда тасдиқланган  ёки, агар ходим давлат органида ишлаётган бўлса, ушбу давлат органининг муҳри билан тасдиқланган нусхаси);
3.5 x 4.5 ҳажмдаги 6 дона рангли фотосурат;
Ўзбекистон Республикаси Соғлиқни сақлаш вазирлиги томонидан тасдиқланган шаклдаги одил судловни амалга оширишга тўсқинлик қиладиган касалликлар ва жисмоний нуқсонлар йўқлиги ҳақидаги тиббий маълумотнома (086/1 шакл);
психиатрия ва наркология муассасаларида ҳисобда турмаслиги тўғрисида маълумотнома;
хорижий давлат фуқаролигини олмаганлиги ёки хорижий давлат ҳудудида доимий яшаш ҳуқуқини тасдиқловчи яшаш гувоҳномасига ёхуд бошқа ҳужжатга эга эмаслиги тўғрисидаги тилхат;
охирги уч йил давомида бажарган ишлари тўғрисида иш жойидан маълумот-тавсифнома;
иш жойидан тавсиянома;
ўзи ва яқин қариндошларининг судланганлик ҳолати бўйича маълумотнома.
Талабгорлар томонидан тақдим этиладиган тегишли ҳужжатлар намуналари www.sudyalaroliymaktabi.uz сайтига жойлаштирилган.
Маълумот учун тел: (998) 555-010-199.
Манзил: Тошкент шаҳар, Чилонзор тумани, Чўпонота кўчаси, 6-уй.
Қабул комиссияси

Фарғонада Суд-ҳуқуқ масалалари бўйича оммавий қабуллар ўтказилмоқда

Фарғона вилоятида фуқароларнинг суд-ҳуқуқ соҳасидаги мурожаатларини тинглаш, бу борадаги долзарб масалаларни ўрганиш ва уларни ҳал қилиш мақсадида жорий йил 21-23 апрель кунлари Президент Администрацияси, Халқ қабулхоналари, Олий суд, Судьялар олий кенгаши, Бош прокуратура, Ички ишлар вазирлиги, Адлия вазирлиги ҳамда Давлат божхона қўмитаси раҳбар ходимлари иштирокида оммавий қабуллар бўлиб ўтмоқда.

 

Бугун Қўштепа туманида Ёзёвон, Олтиариқ туманлари аҳолиси учун, куннинг иккинчи ярмида Боғдод туманида Риштон, Сўх ва Бувайда туманлари фуқаролари учун оммавий сайёр қабул ташкил этилди.

 

Сайёр қабулда Олий суд раиси ўринбосари Ҳалилулло Тўрахўжаев, Бош прокурор ўринбосари Светлана Артикова, Ички ишлар вазири ўринбосари Яҳёжон Абдулҳаков, Судьялар Олий Кенгашининг судьяси Баҳром Собиров, шаҳар ва туманлар сектор раҳбарлари иштирокида фуқароларнинг суд-ҳуқуқ масалаларидаги мурожаатлари тингланди, улар тегишлилигича ўрганилди. Аксарият мурожаатлар қабул давомида ҳал этилди, қолганларининг ижросини таъминлаш юзасидан мутасаддиларга топшириқлар берилди, тушунтириш талаб этиладиган масалалар юзасидан мурожаатчиларга ҳуқуқий маслаҳатлар берилди.

Маълумот ўрнида шуни таъкидлаш жойизки Олий суд раисининг ўринбосари Ҳ.Тўрахўжаев томонидан шу бугунга қадар 349 нафар фуқаролар қабул қилиниб, шундан 114 нафар жойида ижобий ҳал қилинди.

Оммавий сайёр қабуллар эртага, 23 апрель куни соат 10:00да Қўқон шаҳридаги Ёшлар боғида Қўқон шаҳри, Данғара, Бешариқ, Фурқат, Ўзбекистон ва Учкўприк туманлари фуқаролари учун сайёр қабул ўтказилиши режалаштирилган.

Фарғона вилоят судларининг матбуот анжумани

Ўзбекистон Республикаси Президентининг “Суд-ҳуқуқ тизимини янада такомиллаштириш ва суд ҳокимияти органларига ишончни ошириш чора-тадбирлари тўғрисида” 2018 йил 13 июлдаги ПФ-5482-сон Фармони 1-бандида, судлар фаолияти тўғрисида жамоатчилик ва оммавий ахборот воситаларини хабардор қилиш мақсадида ҳар чоракда вилоят судлари раислари ва уларнинг ўринбосарлари томонидан брифинглар ўтказиш белгиланган.

Мазкур Фармон ижросини таъминлаш мақсадида 2022 йил 15 апрель куни Фарғона вилоят Матбуот уйида Фарғона вилоят суди ва вилоят маъмурий судининг раислари ҳамда уларнинг ўринбосарлари судларнинг 2022 йилнинг 3 ойи давомида амалга оширилган фаолияти юзасидан ахборот берилди.

Унда, Фарғона вилоят суди, Фарғона вилоят маъмурий суди, туманлараро, туман (шаҳар) судлари томонидан 2022 йил 3 ойида кўрилган жиноят, фуқаролик, иқтисодий ҳамда маъмурий ишлар таҳлили, жиноят ишлари бўйича судлар томонидан чиқарилган айблов ҳукмлари, жазо амалиёти, ишларни юқори инстанцияларда кўрилиш аҳволи, оқлов ҳукми, судланганлик ҳолати шунингдек, жисмоний ва юридик шахслардан келиб тушган мурожаатларнинг таҳлили, ҳуқуқий тарғибот ишлари, жисмоний ва юридик шахслар вакиллари қабули, Меморандумлар ижроси, қонунчиликдаги янгиликлар ҳамда соҳага оид бошқа маълумотлар ҳақида ахборотлар очиқланди.

“Ҳуқуқбузарликлар профилактикаси ва жиноятчиликни олдини олиш борасида” семинар-учрашув

Барчамизга маълумки давлатимиз томонидан суд-ҳуқуқ соҳасини ислоҳ қилишга, фуқароларнинг қонуний ҳуқуқ ва манфаатларини ҳимоялашга ҳамда одил судловни таъминлашга катта эътибор бериб келинмоқда.

Жамиятда қонун устуворлигини таъминлаш, ҳуқуқий маданиятни юксалтириш, халқ билан мулоқот самарадорлигини ошириш ҳамда инсон манфаатларини муҳофаза қилишда қатор ижтимоий-сиёсий ва ҳуқуқий омиллар муҳим ўрин тутади.

Шу муносабат билан, “Ҳуқуқбузарликлар профилактикаси ва жиноятчиликни олдини олиш” мавзусида  Фарғона вилоят ИИБ биносида Фарғона вилоят судининг судьялари В.Сиддиков ва Т.Тўрақулов, жиноят ишлари бўйича Фарғона шаҳар судининг судьяси А.Миножиддинов, Фарғона вилоят ИИБ Ҳуқуқбузарликлар профилактикаси бошқармаси бошлиғи У.Тошпўлатов ҳамда туман (шаҳар) ИИБ ҳуқуқбузарликлар профилактикасига масъул ходимлар иштирокида видеоконференцалоқа режимида семинар учрашув ўтказилди.

Семинар-учрашув давомида судьялар маъмурий ҳуқуқбузарликка оид ишларни тайёрлаш ва юборишда ҳамда судда кўриш давомида профилактика инспекторлари томонидан йўл қўйилган хато ва камчиликларни кўрсатиб ўтиб, ушбу хато ва камчиликларни келгусида бартараф этиш чора-тадбирларини белгилаш лозимлигини таъкидлади.

Шунингдек, Ўзбекистон Республикасининг “Ҳуқуқбузарликлар профилактикаси тўғрисида”ги  Қонунида фуқароларнинг ўзини ўзи бошқариш органлари ҳуқуқбузарликлар профилактикасига доир давлат дастурларини, ҳудудий ва бошқа дастурларни амалга оширишда иштирок этиши, ҳуқуқбузарликлар профилактикаси тўғрисидаги қонун ҳужжатларининг ижро этилиши устидан жамоатчилик назоратини амалга ошириши, тегишли ҳудудда жамоат тартибини таъминлашда, шу жумладан фуқароларнинг келиши ва кетиши ҳисобга олинишини ташкил этишда, вояга етмаганлар ўртасида назоратсизлик ва ҳуқуқбузарликлар профилактикаси ҳамда уларнинг ҳуқуқларини ҳимоя қилиш бўйича ишларда ҳуқуқни муҳофаза қилувчи органларга кўмаклашиши, ички ишлар органлари профилактика инспекторларининг жамоат тартибини сақлаш бўйича назоратни амалга ошириши, ҳуқуқбузарликлар профилактикасини амалга оширувчи ва унда иштирок этувчи бошқа органлар ҳамда муассасалар билан ўзаро ҳамкорлик қилиши белгилаб олинди.

 

Вахобжон Сиддиков,

Фарғона вилоят судининг судьяси

 

Skip to content