ИНСОНЛАРГА ЕНГИЛЛИК БЕРУВЧИ ҚОНУН АМАЛДА

Фуқаро Х.М. кеч бўлиб қолгани учун уйига шошилди ва бошқарувидаги “Дамас” автомашинасида йўл ҳаракати қоидаларини бузиб, Қува тумани, Ёнғоқтаги қишлоғида Д.Ў. бошқарувидаги автомашина билан тўқнашиб, йўл-транспорт ҳодисаси содир этди. Натижада, Д.Ў.нинг машинаси шикастланиб, йўловчи И.М. “енгил” тан жароҳати олди. Юқоридаги ҳолат бўйича Қува тумани ИИБ ЙҲХБ суриштирувчиси томонидан тўпланган маъмурий иш ҳужжатлари, мазмунан кўриб чиқишлик учун жиноят ишлари бўйича Қува туман судига юборилган.

Бугун, судда ҳуқуқбузар Х.М.га Ўзбекистон Республикаси МЖтКнинг 133-моддаси билан юритилган ҳужжатлар кўриб чиқилиб, тарафларга МЖтКга 2021 йил 4 октябрдаги қонун билан киритилган ўзгартиришлар яъни ярашув институти жорий этилгани ҳақида тушунтирилганда, жабрланувчилар Д.Ў. ва И.М. ҳуқуқбузар томонидан уларга етказилган моддий зарар тўлиқ қоплангани, улар ўзаро ярашиб олишганини баён этиб, суддан ишни ярашувга асосан тугатишликни сўраб ариза билан мурожаат этишди. Ўз навбатида ҳуқуқбузар Х.М. ҳам қилмишига тўлиқ иқрорлиги, жабрланувчилар билан ярашиб олганини айтиб маъмурий ишни ярашувга асосан тугатишни сўради.

Мазкур маъмурий иш Ўзбекистон Республикаси МЖтКга юқоридаги қонун билан киритилган янги 3131-3135-моддалари тартибида ҳаракатдан тугатилди. Бу ўз ўрнида эҳтиётсизлиги туфайли ҳуқуқбузарлик содир этган, ўз қилмишига иқрор ва ундан пушаймон бўлиб, жабрланувчиларга етказилган моддий зарарларни қоплаган ҳамда улар билан ярашиб олган Х.М.ни яна жавобгарликка тортилишини, унга жарима ёки бошқа турдаги маъмурий жазога тайинланишини олдини олди. Умуман олганда, ярашув институти жиноят қонунчилигида қўллана бошлангач, унинг самарадорлиги тезда кўринди, фуқароларда қонунга ва бошқа шахслар ҳуқуқларига ҳурмат, қилмиш учун жавобгарлик ҳиссини ривожлантирди. Шу сабаб, мазкур институтни маъмурий жавобгарликка доир ишлар бўйича ҳам жорий этишга эҳтиёж анчадан буён мавжуд эди. Мазкур ўзгаришлар маъмурий ишларни кўришда фақат ижобий натижалар беради деб ишонаман, ярашув тарафларда қонунга ҳурмат, мавжуд низони тез фурсатда, тарафларни ортиқча овора қилмай, судлар ва бошқа идораларда ишларни сифатли кўрилишига, энг асосийси фуқароларнинг суд-ҳуқуқ тизимидаги ижобий ўзгаришларга ва жамиятда адолатга бўлган ишончини мустаҳкамлайди.

 

Зафаржон Омонов, жиноят ишлари бўйича

Қува тумани судининг раиси

Фарғона вилоят суди раисининг марафон мусобақаси ўтказилди

Ўзбекистон Республикаси Президентининг 2020 йил 30 октябрдаги «Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида»ги ПФ-6099-сонли Фармонида белгиланган вазифалар ижроси юзасидан тасдиқланган «Фарғона вилоят суди тизимида оммавий спортни ривожлантириш ва соғлом овқатланиш турмуш тарзини тарғиб қилиш бўйича чора-тадбирлар дастури» ижроси юзасидан 2021 йилнинг 9 октябрь куни Фарғона вилоят судлари судьялари ва суд ходимлари ўртасида спортнинг 3 километрга югуриш мусобақаси бўйича марафон бўлиб ўтди.

Мусобақада Фарғона вилоят суди жиноят ишлари бўйича судлов ҳайъати, Фарғона вилоят суди фуқаролик ишлари бўйича судлов ҳайъати, Фарғона вилоят суди иқтисодий ишлар бўйича судлов ҳайъати, Жиноят ишлари бўйича Фарғона минтақаси судлари, Жиноят ишлари бўйича Қўқон минтақаси судлари, Фуқаролик ишлари бўйича туманлараро судлари ва Иқтисодий ишлар бўйича туманлараро судларининг судья ва суд ҳодимлари иштирок этди.

Мусобақа натижасига кўра 2,5 кмга югуриш бўйича аёллар ўртасида биринчи ўринни Марғилон туманлараро иқтисодий судининг ходими Дилшода Рахмонова ҳамда эркаклар ўртасида 3 кмга югуриш бўйича жиноят ишлари бўйича Сўх туман судининг ходими Илғорбек Ашуралиевлар қўлга киритди.

Марафон якунида ғолиблар вилоят суди раисининг ташаккурномаси ҳамда эсдалик совғалари билан такдирланди.

Талабалар билан очиқ мулоқат ўтказилди

Гендер тенглигини таъминлаш, хотин-қизлар ва эркаклар учун тенг ҳуқуқ ва имкониятлар яратиш Ўзбекистон Республикасининг асосий мақсад вазифалари ҳисобланади.

2021 йил 4 август куни Фарғона вилоят суди раиси томонидан тасдиқланган “2021 йилнинг август-декабрь ойлари давомида суд тизимида фаолият юритаётган ёшларнинг суд-ҳуқуқ ислоҳатларини амалга оширишлари бўйича медиа-режа ижросини таъминлаш юзасидан Фарғона вилоят суди судларида фаолият юритаётган ёшлар учун” медиа-режанинг
3-банди ижросини таъминлаш мақсадида Фарғона вилоят суди судья катта ёрдамчилари Жахонгир Саттаров, Мухаммадали Махмудовлар 2021 йил
29 сентябрь куни Фарғона Жамоат саломатлиги тиббиёт институтининг биносида “тиббий профилактика ва жамоат саломатлиги факультети билан ҳамкорликда  “Гендер тенглиги, аёлларнинг жамият ва оилада ролини ошириш” мавзусида секминар ўтказилди.

Семинарда 2019 йил 2 сентябрда қабул қилинган Ўзбекистон Республикасининг “Хотин-қизларни тазйиқ ва зўравонликдан ҳимоя қилиш тўғрисида”ги қонуни ҳамда “Хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисида”ги қонунларнинг мазмун моҳияти, ҳозирги кунда гендер тенглигини таъминлаш, аёлларни жамиятда ролини ошириш юзасидан амалга оширилаётган ислоҳатлар ёритиб ўтилди.

Ўтказилган семинар очиқ мулоқат тарзида ўтказилиб
савол-жавобларга бой бўлди.

Фарғона вилоят суди жамоатчилик ва оммавий ахборот воситалари билан алоқалар  бўлими

Судьялар талабалар билан учрашди

Фарғона вилояти Боғдод тумани Итисодиёт коллежи талабалари билан жиноят ишлари бўйича Боғдод туман судининг раиси О.Мирсадиков ва Фуқаролик ишлари бўйича Фарғона туманлараро судининг судьяси И.Қўзибоев ҳамда Марғилон туманлараро Иқтисодий судининг раиси А.Акбаровлар иштирокида сайлов қонунчилигида янги қабул қилинган қонунлар ҳамда Сайлов кодекси юзасидан тушунтиришлар берилди.

Очиқ мулоқот давомида ёшларга сайловда иштирок этишнинг аҳамияти борасида тушунчалар берилиб, сайлов жараёнлари қай тартибда олиб борилиши юзасидан керакли маълумотлар берилди. Ёш сайловчиларнинг бу жараёнда фаол иштирок этишлари учун ўз ҳуқуқлари тушунтириб ўтилди. Ёшлар ўзларини қизиқтирган саволларга тегишли тартибда жавоблар олишди.

Сайлов қонунчилиги тарғиб қилинмоқда

24 октябрь – Ўзбекистон Республикаси Президенти сайлови демократик тамойиллар асосида ташкил этилаётган бўлиб, ҳудудларда бу жараёнга қизғин тайёргарлик кўрилмоқда. Фуқаролик ишлари бўйича Қўқон туманлараро, Қўқон туманлараро иқтисодий судлари томонидан Қўқон Университетида сайлов қонунчилиги тарғиботига бағишланган тадбир ўтказилди. Унда бу галги Президент сайлови Сайлов кодекси асосида ўтказилаётганлиги, миллий сайлов қонунчилигимиздаги ўзгаришлар хусусида сўз юритилиб, барчани муҳим сиёсий тадбирида фаол бўлиши таъкидлаб ўтилди.

Перейти к содержимому