Фарғона шаҳрида Андижон, Наманган ва Фарғона вилоятлари аҳолиси учун Президент Халқ қабулхонаси масъуллари, Олий суд, Бош прокуратура, Ички ишлар вазирлиги раҳбарияти иштирокида Республика ишчи гуруҳининг оммавий сайёр қабули ўтказилди.
Ташкил этилган сайёр қабул доирасида Олий суд раиси Бахтиёр Исломов ва судьялар томонидан 329 нафар фуқаронинг оғзаки ва ёзма мурожаатлари қабул қилинди.
154 та мурожаат бўйича аризалар Олий суд томонидан кассация ва такрорий кассация тартибларида кўриб чиқиш учун қабул қилиниб, мурожаатларнинг 175 таси бўйича ҳуқуқий тушунтириш берилди.
Шунигдек, 97 та мурожаат жойида ижобий ҳал этилди.