«Ибратли судья»: фарғоналик судья тақдирланди

Сўнгги йилларда одил судловни амалга ошириш йўлидаги ислоҳотлар самараси судьялар фаолиятида ҳам ўз аксини топмоқда.

Президентимизнинг 2020 йил 7 декабрдаги “Судьяларнинг чинакам мустақиллигини таъминлаш ҳамда суд тизимида коррупциянинг олдини олиш самарадорлигини ошириш чора-тадбирлари тўғрисида»ги тегишли фармони ижроси юзасидан Судьялар олий кенгаши томонидан “Судьялар фаолиятини баҳолаш бўйича электрон рейтинг тизими» яратилди. Унга кўра, энг яхши деб топилган судьялар йил якунида “Ибратли судья” мукофоти билан тақдирланиши ҳам белгиланган. Мукофотга номзодларни саралаш натижаларидан келиб чиқиб, мамлакатимиз суд тизимида фаолият юритаётган 15 нафар судья “Ибратли судья” мукофоти билан тақдирланди. Судьялар олий кенгаши томонидан онлайн шаклда ўтказилган тадбирда улар тантанали равишда тақдирланди. Улар орасида фуқаролик ишлари бўйича Риштон туманлараро судининг раиси Шерзодбек Ахунбаев ҳам бор.

Шерзодбек Ахунбаев айни вақтда фуқаролик ишлари бўйича Риштон туманлараро судининг раиси лавозимида ишлаб келмоқда. Таъкидлаш жоизки, рейтинг профессионализм, одоб-ахлоқ қоидаларига риоя этиш, мурожаатлар билан ишлаш, билим даражаси, қабул қилинган суд қарорларининг сифати каби мезонлар асосидаги тўплаган баллари ҳисобидан шакллантирилади.

Шу маънода ушбу мукофотга ҳақли равишда муносибларгина эга бўлади. Судлар фаолиятида илк маротаба таъсис этилган ва топширилган бу каби мукофот жамиятимизда мустақил ва одил суд тизимига эришишда ҳар бир судья учун рағбатдир, ўз навбатида улкан маъсулият ҳам юклайди.

Менинг Конституциям 31 ёшда

Ўзбекистон Республикаси Конституцияси қабул қилинганлигининг 31 йиллиги муносабати билан Фарғона давлат университети ва Қўқон давлат педагогика институтларида Фарғона вилояти судлари тизимида фаолият юритаётган ходимлар иштирокида “Менинг Конституциям 31 ёшда” шиори остида “Менинг Конституциям ва давлат тилим” мавзусида оммавий диктант ўтказилди.

Уч авлод учрашуви

Фарғона вилоят судида ўтказилган уч авлод учрашувида барча суд фахрийлари, судьялар, суд ходимлари ҳамда юридик техникум ўқувчилари иштирок этди.

Тадбирда Ўзбекистон Судьялари ассоциацияси раиси У.Мингбоев ва бошқалар сўзга чиқиб, кекса авлод вакилларининг жамиятдаги ўрни, бугунги суд фахрийларини эъзозлаш, уларнинг одил судловни амалга ошириш, суд-ҳуқуқ ислоҳотларини ҳаётга самарали тадбиқ этишда ҳаётий тажрибаларининг роли хусусида айтиб ўтди.

Судьялар мустақиллиги, уларнинг ижтимоий ҳимоясини таъминлаш йўлида ҳам жиддий ишлар олиб борилмоқда. Буни ҳар бир судья ва суд ходими ўз фаолиятида аниқ ҳис этмоқда. Бунга жавобан судьялар ҳам одил судловни амалга ошириш, бу тизимда коррупцияга йўл қўймаслик, касбига виждонан садоқат билан хизмат қилиши лозимлиги қайд этилди.

Тадбирда мамлакатимиз суд-ҳуқуқ тизимида Президентимиз ташаббуси билан тарихий ислоҳотларни амалга ошириш, одил судлов сифати ва самарадорлигини таъминлаш, малакали судьялар корпусини шакллантириш, суд ҳокимиятининг нуфузини ошириш, судни том маънода “Адолат қўрғони”га айлантиришда ўз сафида мингдан ортиқ аъзони жамлаган Ўзбекистон Судьялари ассоциациясининг ҳам муносиб ўрни борлигига ҳам эътибор қаратилди.

Албатта, адолат ўрнатиш учун судья қонунларни ва уни қўллашни яхши биладиган билимли мутахассис бўлиши билан бирга, кўплаб инсоний фазилатларга эга, ҳар қандай ҳолатда ҳам виждон амрига қулоқ тутадиган, ўзи чиқарган қарори учун масъулиятни тўлиқ ҳис этадиган, бир сўз билан айтганда, юқори маънавиятга эга инсон бўлиши керак.

Учрашувда судьялар ва суд фахрийларининг судьялик фаолиятлари давомида қизиқарли бўлган эсда қоларли воқеалар ҳамда ҳаёт йўллари ҳақида сўзлаб беришгани “Уч авлод учрашувида” иштирок этаётган суд ходимлари ва техникум ўқувчи ёшларининг суд соҳасига бўлган қизиқишини ортишига сабаб бўлди.

Учрашув якунида, узоқ йиллар суд тизимида ишлаган бир гурух суд фахрийлари Ўзбекистон суд тизими фахрийлари сафига қабул қилиниб, Ўзбекистон Судьялари ассоциацияси раиси Убайдулла Мингбоев томонидан гувохномалар топширилди.

Ўзбекистон Республикаси Президенти маслаҳатчисининг ўринбосари раҳбарлигида Фарғона вилоятида бўлиб ўтган суд-ҳуқуқ масалаларига оид сайёр қабулларда кўплаб фуқароларнинг муаммолари ижобий ҳал этилди.

Фарғона вилоятининг Қўштепа, Риштон тумнлари ва Марғилон, Фарғона ҳамда Қўқон шаҳрида бўлиб ўтган сайёр қабулда фуқароларининг суд-ҳуқуқ йўналишидаги мурожаатлари эшитилди.

Сайёр қабулда 150 нафар фуқароларнинг жиноят, фуқаролик, иқтисодий ва маъмурий ишлар бўйича судларга оид мурожаатлари кўриб чиқилди. Уларнинг
83 тасига ҳуқуқий тушунтиришлар берилган бўлса, 67 та мурожаат ижобий ҳал этилди.

Шунингдек, сайёр қабул доирасида бўлиб ўтган сайёр суд мажлисида ахлоқ тузатиш, муайян ҳуқуқдан маҳрум қилиш ҳамда озодликни чеклаш жазосини ўтаётган шахслар муддатидан олдин шартли озод қилинди.

2023 йилнинг 18-20 октябрь кунлари Ўзбекистон Республикаси Президенти маслаҳатчисининг ўринбосари раҳбарлигида Фарғона вилоятида суд-ҳуқуқ масалалари бўйича сайёр қабуллар ўтказиш белгиланган

18 октябрь куни жиноят ишлари бўйича Марғилон ва Фарғона шаҳар судларида бўлиб ўтган сайёр қабулда Тошлоқ, Қува, Фарғона туманлари ҳамда Фарғона, Марғилон ва Қувасой шаҳар фуқароларининг суд-ҳуқуқ йўналишидаги мурожаатлари эшитилди.

Сайёр қабулда 59 нафар фуқароларнинг жиноят, фуқаролик, иқтисодий ва маъмурий ишлар бўйича судларга оид мурожаатлари кўриб чиқилди. Уларнинг 21 тасига ҳуқуқий тушунтиришлар берилган бўлса, 38 та мурожаат ижобий ҳал этилди.

Шунингдек, сайёр қабул доирасида бўлиб ўтган жиноят ишлари бўйича Марғилон ва Фарғона шаҳар судлариининг очиқ суд мажлисида ахлоқ тузатиш, муайян ҳуқуқдан маҳрум қилиш ҳамда озодликни чеклаш жазосини ўтаётган шахслар муддатидан олдин шартли озод қилинди.

Skip to content