КОРРУПЦИЯГА ҚАРШИ КУРАШИШ ҲАР БИР ФУҚАРОНИНГ БУРЧИДИР

Коррупция – бу моддий ёки мулкий йўсинда, ғайриқонуний шахсий наф кўриш мақсадида, ўз хизмат мавқеидан фойдаланишида ифодаланадиган ижтимоий ҳодиса. Мазкур ҳодиса демократия ва ҳуқуқ устуворлиги асосларига путур етказади, инсон ҳуқуқлари бузилишига олиб келади, бозорлар фаолиятига тўсқинлик қилади, ҳаёт сифатини ёмонлаштиради ва одамлар хавфсизлигига таҳдид соладиган уюшган жиноятчилик, терроризм ва бошқа ҳаракатларнинг илдиз отиб, гуллаши учун шароит яратади.

Коррупция дунё миқёсида ҳал этилиши лозим бўлган глобал муаммолардан биридир. Ушбу иллат ҳар қандай давлат ёки жамиятнинг сиёсий-иқтисодий ривожланишига жиддий путур етказади, инсон ҳуқуқ ва эркинликларининг поймол бўлишига олиб келади.

Шу боис, унга қарши кураш халқаро аҳамият касб этиб, жаҳон сиёсатининг муҳим йўналишларидан саналади.                    

2017 йил 4 январдан Ўзбекистон Республикасининг “Коррупцияга қарши курашиш тўғрисида”ги қонуни кучга киритилгани коррупцияга барҳам бериш учун тегишли ҳуқуқий асосларни яратиб берди. Мазкур қонун ижроси тўлиқ ва самарали таъминланиши учун бошқа норматив-ҳуқуқий ҳужжатлар ҳам қабул қилинмоқда.

Қонуннинг 5-моддасида эса коррупцияга қарши курашиш соҳасидаги давлат сиёсатининг асосий йўналишлари кўрсатиб ўтилган бўлиб, улар: аҳолининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантириш, давлат ва жамият ҳаётининг барча соҳаларида коррупциянинг олдини олишга доир чора-тадбирларни амалга ошириш, коррупцияга оид ҳуқуқбузарликларни ўз вақтида аниқлаш, уларга чек қўйиш, уларнинг оқибатларини, унга имкон берувчи сабаблар ва шарт-шароитларни бартараф этиш, коррупцияга оид ҳуқуқбузарликларни содир этганлик учун жавобгарликнинг муқаррарлиги принципини таъминлашдан иборатдир.

Ушбу Қонуннинг муҳим аҳамиятли жиҳати коррупцияга қарши курашиш бўйича фаолиятни бевосита амалга оширувчи давлат органлари ҳақида маълумот берилиб, Ўзбекистон Республикаси Бош прокуратураси, Миллий хавфсизлик хизмати, Ички ишлар вазирлиги, Адлия вазирлиги, Бош прокуратура ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаменти, коррупцияга қарши курашиш бўйича фаолиятни қонун ҳужжатларига мувофиқ бошқа давлат органлари ҳам амалга оширишлари назарда тутилган.

Президентимиз ташаббуси билан мамлакатимизда коррупцияга қарши кураш ҳаракати бошландими, ушбу иллатдан азият чекмаслик учун ҳаммамиз бир тан-у бир жон бўлиб, коррупцияга қарши курашишни вазифамизга айлантиришимиз лозим. Жамиятда коррупцияга нисбатан муросасиз муносабат қарор топтириш ўта долзарб масала бўлиб, унинг тўлақонли рўёбга чиқиши учун ҳар бир фуқаро ўзида масъулият ҳис этса, қўйилган мақсад ва муддаолар ечими пайдо бўлади.

Халқимизнинг том маънодаги адолат қарор топган жамиятда яшаши учун нафақат масъул шахслар, балки ҳар бир фуқаро ўз ҳиссасини қўшиши зарур. Бу фуқароларимизда коррупцияга, аниқроқ айтганда, ҳар қандай қонунбузарликка нисбатан муросасизлик кайфияти ва маданияти шаклланишига ҳам боғлиқ. Чунки, ҳар қандай қонунбузарликлар содир этилиши ва кўпайишига кўп ҳолларда ўзимизнинг бефарқлигимиз, лоқайдлигимиз сабаб бўлмоқда. Барчанинг якдиллиги, юрт тақдирига дахлдорлиги кучайиши ҳар қандай иллатнинг батамом барҳам топишига хизмат қилади.

Фарғона туманлараро иқтисодий

суди судьяси Саида Махмудова

ЭЪЗОЗ ВА ЭЪТИБОР ИФОДАСИ

Ҳар қандай шахснинг камол топишида устозларнинг ўрни беқиёс. Устозлар маънавият осмонида мусаффо зиё таратиб турувчи йўлчи юлдуз кабидир. Улар туфайли шогирдлар ҳамиша муваффақиятга эришадилар.

Мамлакатимизда кенг нишонланадиган умумхалқ байрами – 9 май – Хотира ва қадрлаш куни муносабати билан Фарғона вилоят суди томонидан байрам тадбири ўтказилди.

Нуронийларга эъзоз ва эҳтиром кўрсатишдек эзгу мақсад ниятида ташкил этилган тадбирга ҳаётини адолатни таъминлашга бағишлаб, суд тизимида узоқ йиллар самарали меҳнат қилган нафақага чиққан суд фахрийлари ташриф буюрдилар.

Тадбир байрам дастурхони атрофида давом эттирилиб, суд тизимида фидокорона меҳнат қилиб, бугун кексалик гаштини сураётган фахрийларнинг ибратомуз ҳаёт йўллари, ўз даврида олиб борган матонатли хизматлари ёдга олинди.

Устозлар ва шогирдлар дийдорлашувига айланиб, самимий руҳда ўтган тадбирда фахрийларга эсдалик совғалари улашилди.

     Алибек Мелибоев

Фарғона вилоят судининг матбуот котиби

«Суд ва ёшлар»

2025 йил 3 май куни Марғилон шаҳридаги 21-сонли умумтаълим мактабида Вазирлар Маҳкамасининг 2024 йил 28 августдаги “Давлат таълим муассасаларида узлуксиз ҳуқуқий таълим тизимини жорий этиш, вояга етмаганларнинг саводхонлигини ошириш чора-тадбирлари тўғрисида”ги қарори ижросини таъминлаш мақсадида Фарғона вилоят суди жиноят ишлари бўйича судьяси В.Сиддиков томонидан юқори синф ўқувчиларига Ўзбекистон Республикасининг “Коррупцияга қарши курашиш тўғрисида”ги ЎРҚ-419-сонли Қонуни мазмун-моҳияти мавзусида “Очиқ дарс” ўтказилди.

Очиқ дарсда, ушбу Қонуннинг мақсади коррупцияга қарши курашиш соҳасидаги муносабатларни тартибга солишдан иборат экани, коррупция — шахснинг ўз мансаб ёки хизмат мавқеидан шахсий манфаатларини ёхуд ўзга шахсларнинг манфаатларини кўзлаб моддий ёки номоддий наф олиш мақсадида қонунга хилоф равишда фойдаланиши, худди шунингдек бундай нафни қонунга хилоф равишда тақдим этишда ифодаланиши ҳақида тушунтиришлар берилди.

            Ўқувчилар ўзларини қизиқтирган саволларга соҳа ходими томонидан тегишли жавобларни олдилар.

Очиқ дасрдан сўнг, мактаб кутубхонасига фахрий судьялар ҳаёти ва самарали фаолиятига бағишланган китоблар совға қилинди.

 

            Вахобжон Сиддиков,

  Фарғона вилоят судининг судьяси

Судья ва ёшлар учрашувчи

Ёшлар ҳар бир давлатнинг келажагини, салоҳиятини белгиловчи муҳим ижтимоий қатлам саналади. Зеро, ҳар бир жамиятнинг ҳолати, тақдири ва истиқболи унда яшаётган ёшларнинг салмоғи, маънавияти ва онглилиги даражаси билан белгиланади

 

Шу асосда, Фарғона вилоят судининг фуқаролик ишлари бўйича судлов хайъати раиси Ойбек Хасанов томонидан Фарғона юридик техникуми талабалари иштирокида очиқ дарс машғулоти ўтказилди

 

Очиқ дарс машғулоти давомида ёшларга инсон ҳуқуқлари ҳақида, мамлакатимизда қонун устуворлигини таъминлашга қаратилган ишлар, инсон ҳуқуқлари муҳофазаси борасидаги ҳужжатлар хусусида маълумотлар берилди.


Ойбек Хасанов
Фарғона вилоят суди
раисининг ўринбосари

 

Ўқувчи ёшлар ўртасида жиноятчиликни олдини олиш

Ёшларнинг ҳуқуқий билим ва саводхонлигини ошириш уларнинг хаётда ўрнини топиши, берилган имкониятлардан унумли фойдаланишида муҳим ўрин тутади.

Шу асосда, фуқаролик ишлари бўйича Фарғона вилоят судининг судьяси Бузрукхон Аброров Марғилон шаҳридаги 25-сонли умумий ўрта таълим мактабининг ўқувчилари билан учрашди.

Учрашув давомида ўқувчиларга вояга етмаганлар ўртасида ўткир тиғли жисмлар ҳамда совуқ қуроллар олиб юрмаслик, унинг салбий оқибатлари ҳамда жиноятга еткаловчи омиллар ҳақида бир қатор тушунтиришлар бериб ўтилди.

Шунингдек, ўқувчи ёшлар  ўзларини қизиқтирган саволларга жавоб олишди ва ўз фикр ва мулоҳазаларини билдиришди.

Бузрукхон Аброров

Фуқаролик ишлари бўйича

Фарғона вилоят судининг судьяси

Skip to content