Фарғона вилоят судининг раиси Сўх туманида фуқаролар билан учрашди

Фарғона вилоятининг туман ва шаҳарларида жиноят ва ҳуқуқбузарликлар, никоҳдан ажратиш, тадбиркорлик субъектлари иштирокидаги низолар ҳамда фуқароларнинг мурожаатлари кўпайган маҳаллалар, туманларда профилактика ишларини жонлаштиришга қаратилган сайёр қабулларни ташкил этиш масаласида Фарғона вилоят судининг раиси вилоят маъмурий суди раиси, Маҳалла ва оилани қўллаб-қувватлаш Бошқармаси бошлиғи ва Ўзбекистон Республикаси Президентининг Фарғона вилоятидаги Халқ Қабулхонаси мудири ўртасида тасдиқланган режа ижроси юзасидан  вилоят судининг раиси Ш.Камолов раислигида, раис ўринбосарлари ва судьялари иштирокида Фарғона вилояти Сўх тумани “Равон” маҳалла фуқаролар йиғини биносида 26 шахсларнинг мурожаатлари ўрганиб чиқилди.

Жумладан:

5 нафар шахсларга нисбатан ишлари сайёр суд мажлисида кўрилиб, тайинланган жазо турлари Ўзбекистон Республикаси Жиноят Кодексининг 73-моддаси тартибида муддатидан олдин шартли равишда озод этилди;

1 нафар шахснинг даъво аризаси фуқаролик ишлари бўйича Сўх туман суди томонидан қабул қилиниб, рўйхатга олинди;

1 нафар шахсга фуқаролик ишлари бўйича Риштон туманлараро судининг ҳал қилув қароридан нусха олиб берилди;

19 нафар шахсга нисбатан ҳуқуқий тушунтиришлар берилди.

Қабулда туман прокуратураси, Ички ишлар бошқармаси, Мажбурий ижро бюроси, Халқ қабулхона, туман ҳокимияти вакиллари, Маҳалла ва оилани қўллаб-қувватлаш бўлими ходимлари ҳамда маҳалла фуқаролар йиғини раиси билан ҳамкорликда иш олиб борилиб, фуқароларни қизиқтирган масалалар юзасидан тегишли ҳуқуқий тушунтиришлар берилди.

Қабулда муаммолари ҳал бўлган 21 нафар фуқаролар ҳамда тадбиркорлик томонидан оғзаки ташаккурномалар билдирилди.

Судья ва ёшлар

Жорий йилнинг 10 ноябрь куни Фарғона вилояти суди биносида юридик техникум ўқувчилари билан “Судья ва ёшлар” мавзусида учрашув ташкил қилинди.

Учрашувда юридик техникум ўқувчилари вилоят судининг тарихий- музейи, ахборот коммуникация технологияларидан фойдаланган ҳолда интерактив хизматлар ва суд мажлисларини масофавий ўтказиш тартиби ҳамда вилоят судининг маъмурий биноси билан яқиндан танишдилар.

Шу билан бирга мажлислар залида вилоят судининг судьялари ва ёшлар кенгаши етакчилари билан давра суҳбати ўтказилди.

Судьялар ва ёшлар кенгаши етакчилари суҳбатни ҳозирги кундаги “Суд- ҳуқуқ” тизимидаги ислоҳотлар, судьялар олий кенгашининг ташкил қилиниши, шунингдек Ўзбекистон Республикаси Президентининг 2021 йил 6 ноябрда сўзлаган нутқидаги Тараққиёт стратегияси доирасида амалга ошириладиган энг устувор вазифалар, шу билан бирга соҳага оид бўлган мавзулар доирасида ўтказишди ва техникум ўқувчилари берилган саволларига мазмунли жавоб олдилар.

ҲОФИЗНИ ТУНАГАН ЎҒРИ

Қува тумани халқи илгаридан санъатга кўнгил қўйган, айниқса қўшиқчиликка эътибор катта. Буни тумандан кўплаб машҳур хонанда ва созандалар етишиб чиққани ҳам тасдиқлайди. Илхомжон Искандаров ҳам ёш хонандалардан, консерваторияни тамомлаб созандалар гуруҳини ташкил этиб, одамларнинг тўй-томошаларида хизмат қилиб келмоқда.

2021 йил 26 июль куни Акбаробод қишлоғида бўлган никоҳ тўйида ҳофиз И.Искандаров бошчилигидаги гуруҳ хизматда бўлди, шўх куй-қўшиқлар ёшларни, барча меҳмонларни шод этди. Бундан хурсанд бўлганлар ҳофизга, созандаларга пуллар қистиришди, пулнинг “чўғи” баландлигидан ҳофизга яна илҳом келди, ёшларга ёқар қўшиқларни куйлаб тўйга файз киритди.Тўйга меҳмон бўлиб келган М.Қурбонов ҳам ҳофизга қойил қолди ва унга пул қистира туриб, мусиқа асбоби ғилофида турган пулларни кўрди ва фикри бузилди. Бир неча миллион пуллар шундай сўри устида турибди, ҳофиз-у созандалар фақат даврага файз улашиш билан овора. М.Қурбонов атрофга олазарак қаради-да, санъаткорлар пулини “туя қилди”.

Бир муддат овозга дам бериш баҳонасида тўхтаган ҳофиз, ғилофнинг қуруқлигини кўрди ва овози бўғилди, пул дегани фақат жигардан эмас, балки ўпкага ҳам дахлдор экан. Тўйхонада дарров шовқин кўтарилди, биров шу куни кўп ичган мастлардан гумонласа, бошқаси қуда томондан ташриф буюрганлардан пулни сўроқлади. Аммо, тўй оқшомини видеотасвирга тушираётган йигит ўз касбининг ҳақиқий устаси экан. Видеоёзувдан ким нима егани-ю, ким қанча қистирганигача тасвирланибди. Унда М.Қурбоновнинг санъаткорлар сафига қўшилиб тургани, сўнг пайт пойлаб сўрига қўл чўзиб, бир нима олгани-ю ва шу заҳоти шошилиб ташқарига чиқиб кетгани кўриниб қолди. Тўйга меҳмонга эмас, хизматга чақирилган профилактика инспектори ҳам “иссиқ из”дан бориб М.Қурбоновни ушлади. Ўғри ҳам йўқолиб қолмаслиги учун олиб қўйган 3,5 млн. сўмни ҳофизга қайтарди ҳатто дарҳол кетидан ИИБ ходимини юборгани учун ҳофиздан ҳам “ўпкалашни” унутмади.

Ҳа, санъаткор халқи кўнгилчан, одамшаванда бўлади экан, И.Искандаров ҳам судда М.Қурбоновни кечирганини айтиб, ишни ярашув билан тугатишни сўради. Ўз навбатида М.Қурбонов ҳам қилмишига иқрор бўлиб, ярашувга асосан уни озод этишни илтимос қилди ва жиноят иши юритувдан тугатилди. Зеро, М.Қурбонов юқоридагилардан тўғри хулоса чиқариб, тарбияланган бўлса шунинг ўзи катта гап.

 

И.Искандаров эса тўйларда меҳмонларга шодлик улашиб, тўйхонага файз киритиб юрибди, тушаётган пулларга энди ҳушёр, ишончли жойга жойлашни созандаларга тайинлаган. Тўйхона – муродхона дейишади, бундай муқаддас жойда ўзганинг мулкига кўз олайтириш оғир гуноҳ аммо маънавияти паст, нафсига қул кимсалар орамизда бор экан, айтар сўзимиз шу, тўйхонада эҳтиёт бўлинг, меҳмонларни ўғри қилманг.

 

Зафаржон Омонов, жиноят ишлари бўйича Қува тумани суди раиси

Сайлов ва ёшлар

Фарғона вилоят судининг раиси Камолов Шуҳрат Маратович жорий йилнинг
13 октябрь куни Фарғона вилояти юридик техникуми ўқувчилари билан “Суд-ҳуқуқ тизимидаги ислоҳотлар” мавзусида давра суҳбати ўтказилди.

Вилоят судининг раиси Ш.Камолов суҳбат давомида суд-ҳуқуқ тизимидаги ўзгаришлар, ислоҳотлар, бир суд бир инстация тамойилини мазмун-моҳияти, ҳозирги кундаги фаолияти ҳақида тўхталиб, бугунги кунда мамлакатимизда сиёсий жараён 24-октябрь куни бўлиб ўтадиган Ўзбекистон Республикаси Президенти сайлови ҳақида мазмунли тушунчаларни баён қилиб, техникум ўқувчилари томонидан берилган саволларга атрофлича жавоб бериб ўтди.

СУДЬЯЛАР ЎРТА МАКТАБДА ДАВРА СУҲБАТИ ЎТКАЗИШДИ

Жиноят ишлари бўйича Қува тумани судининг ташаббуси билан Қува туманидаги 66-сонли мактаб биносида «Сайлов қонунчилиги, сайлов соҳасидаги ўзгаришлар ҳамда Ўзбекистон Республикаси Президенти сайловининг ўзига хос хусусиятлари» ва «Вояга етмаганлар ўртасида жиноятчиликнинг ҳуқуқий таҳлили» мавзуларида давра суҳбати ташкил этилди. Унда ўрта мактаб ўқитувчилари, ўқувчи ёшлар ва уларнинг ота-оналари иштирок этишди.

        Тадбир давомида йиғилиш иштирокчиларига кун тартибида қайд этилган масалалар юзасидан атрофлича маълумотлар бериб ўтилди.

       Шунингдек, суд раиси З.Омонов ва судья Қ.Абдуллаевлар томонидан шахсий қабул амалга оширилиб, унда нафақат мактаб ўқувчилари мактаб ўқитувчиларини хизмат ҳамда хизматдан ташқари вақтида юзага келётган муаммолари юзасидан, балки уларнинг шахсий ва оилавий масалаларга оид мурожаатлари ҳам тингланди ва ҳуқуқий тушунтириш берилди.

        Давра суҳбатида ўқитувчилар, ўқувчи ёшлар ва уларнинг ота-оналари мавзулар бўйича суд ходимларига ўзларининг қизиқтирган саволлари билан мурожаат этишди ва уларга батафсил жавоблар олишди.

      Тадбир сўнгида иштирокчилар келгусида ҳам ушбу турдаги ҳуқуқий-профилактик тадбирларни мунтазам равишда ўтказишга келишиб олдилар.

Skip to content