Тил тўғрисидаги қоидаларга амал қилган ҳолда суд ҳужжатлари матнини тайёрлаш даркор

Фарғона вилоят судида суд ҳужжатлари матнини тайёрлашда давлат тили тўғрисидаги қоидаларга қатъий риоя этилишини таъминлаш борасида вилоят судьялари ва суд аппарати ходимлари иштирокида ўқув-семинар ташкил этилди. Семинарда суд қарори қатъийлиги, уни ижросини таъминлашда тушунмовчиликларнинг олдини олиш мақсадида ҳар бир гап аниқ ва равшан ёзилган бўлиши, қолаверса, маълум бир мақсадни кўзлаб ишлатилиши таъкидланди. Шунингдек, ҳужжат матни расмий муносабатларни ифодалаши ҳисобга олиниб, матнда бадиий тасвир воситаси, турли сўз ўйинлари, кучли ҳиссий бўёқдор сўзларнинг қўлланилишига йўл қўймаслик лозимлиги, матндаги ахборот холис акс эттирилган бўлиши кераклиги айтиб ўтилди. Айниқса, суд қарорлари ва суд мажлиси баённомасини сифатли ёзилишида эътибор қаратиш лозим бўлган жиҳатларга алоҳида тўхталиб ўтилди.

СУДЬЯЛАР ФАОЛИЯТИ ОЧИҚ ВА ШАФФОФ ЭЛЕКТРОН РЕЙТИНГ ДАСТУРИ АСОСИДА БАҲОЛАНАДИ

“Ўзбекистон Республикаси Судьялар олий кенгаши тўғрисида”ги Ўзбекистон Республикаси Қонунига ўзгартиш ва қўшимчалар киритиш ҳақида”ги Қонун Президент томонидан имзоланди.

Қонунга киритилган ўзгартиришларга кўра, Кенгаш:

➖ судьялар орасида коррупция ҳолатларининг олдини олиб, уларни барвақт аниқлаш бўйича чора-тадбирлар кўради;

➖ суд тизимида аниқланган ҳар бир коррупция ҳолатини кўриб чиқади ва принципиал баҳолайди.

 

Шунингдек, киритилган ўзгартиришларга кўра, Кенгаш судьялар фаолиятини очиқ ва шаффоф электрон рейтинг дастури асосида баҳолаш мезонларини аниқлаш бўйича чора-тадбирлар кўради.

 

Қонун билан Кенгаш раиси ўринбосари ваколатларига ўзгартиришлар киритилди. Унга кўра, Кенгаш раиси ўринбосари:

Судьялар дахлсизлигини таъминлаш ва коррупциянинг олдини олиш бўйича суд инспекциясининг фаолиятига раҳбарликни амалга оширади, унинг фаолияти самарадорлигини таъминлаш учун жавобгар бўлади;

ахборот-коммуникация технологияларини жорий этишга, шунингдек ахборот хавфсизлигини таъминлашга доир ишларни ташкил этади.

 

Қонунга киритилган қўшимчаларга кўра, Кенгаш раиси судьяларнинг дахлсизлигини бузганлик ва одил судловни амалга оширишга аралашганлик ҳолатлари юзасидан прокуратура органларига тақдимнома киритиши мумкин.

Прокуратура органларига киритилган тақдимнома 1 ой муддатда кўриб чиқилади ва Кенгаш жиноят иши қўзғатилганлиги тўғрисида ёки уни қўзғатиш рад этилганлиги ҳақида Бош прокуратура томонидан хабардор қилинади.

 

Достонбек Холматов,

Фарғона вилоят судлари судьялари малака ҳайъатининг котиби

ИНСОНЛАРГА ЕНГИЛЛИК БЕРУВЧИ ҚОНУН АМАЛДА

Фуқаро Х.М. кеч бўлиб қолгани учун уйига шошилди ва бошқарувидаги “Дамас” автомашинасида йўл ҳаракати қоидаларини бузиб, Қува тумани, Ёнғоқтаги қишлоғида Д.Ў. бошқарувидаги автомашина билан тўқнашиб, йўл-транспорт ҳодисаси содир этди. Натижада, Д.Ў.нинг машинаси шикастланиб, йўловчи И.М. “енгил” тан жароҳати олди. Юқоридаги ҳолат бўйича Қува тумани ИИБ ЙҲХБ суриштирувчиси томонидан тўпланган маъмурий иш ҳужжатлари, мазмунан кўриб чиқишлик учун жиноят ишлари бўйича Қува туман судига юборилган.

Бугун, судда ҳуқуқбузар Х.М.га Ўзбекистон Республикаси МЖтКнинг 133-моддаси билан юритилган ҳужжатлар кўриб чиқилиб, тарафларга МЖтКга 2021 йил 4 октябрдаги қонун билан киритилган ўзгартиришлар яъни ярашув институти жорий этилгани ҳақида тушунтирилганда, жабрланувчилар Д.Ў. ва И.М. ҳуқуқбузар томонидан уларга етказилган моддий зарар тўлиқ қоплангани, улар ўзаро ярашиб олишганини баён этиб, суддан ишни ярашувга асосан тугатишликни сўраб ариза билан мурожаат этишди. Ўз навбатида ҳуқуқбузар Х.М. ҳам қилмишига тўлиқ иқрорлиги, жабрланувчилар билан ярашиб олганини айтиб маъмурий ишни ярашувга асосан тугатишни сўради.

Мазкур маъмурий иш Ўзбекистон Республикаси МЖтКга юқоридаги қонун билан киритилган янги 3131-3135-моддалари тартибида ҳаракатдан тугатилди. Бу ўз ўрнида эҳтиётсизлиги туфайли ҳуқуқбузарлик содир этган, ўз қилмишига иқрор ва ундан пушаймон бўлиб, жабрланувчиларга етказилган моддий зарарларни қоплаган ҳамда улар билан ярашиб олган Х.М.ни яна жавобгарликка тортилишини, унга жарима ёки бошқа турдаги маъмурий жазога тайинланишини олдини олди. Умуман олганда, ярашув институти жиноят қонунчилигида қўллана бошлангач, унинг самарадорлиги тезда кўринди, фуқароларда қонунга ва бошқа шахслар ҳуқуқларига ҳурмат, қилмиш учун жавобгарлик ҳиссини ривожлантирди. Шу сабаб, мазкур институтни маъмурий жавобгарликка доир ишлар бўйича ҳам жорий этишга эҳтиёж анчадан буён мавжуд эди. Мазкур ўзгаришлар маъмурий ишларни кўришда фақат ижобий натижалар беради деб ишонаман, ярашув тарафларда қонунга ҳурмат, мавжуд низони тез фурсатда, тарафларни ортиқча овора қилмай, судлар ва бошқа идораларда ишларни сифатли кўрилишига, энг асосийси фуқароларнинг суд-ҳуқуқ тизимидаги ижобий ўзгаришларга ва жамиятда адолатга бўлган ишончини мустаҳкамлайди.

 

Зафаржон Омонов, жиноят ишлари бўйича

Қува тумани судининг раиси

Фарғона вилоят суди раисининг марафон мусобақаси ўтказилди

Ўзбекистон Республикаси Президентининг 2020 йил 30 октябрдаги «Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида»ги ПФ-6099-сонли Фармонида белгиланган вазифалар ижроси юзасидан тасдиқланган «Фарғона вилоят суди тизимида оммавий спортни ривожлантириш ва соғлом овқатланиш турмуш тарзини тарғиб қилиш бўйича чора-тадбирлар дастури» ижроси юзасидан 2021 йилнинг 9 октябрь куни Фарғона вилоят судлари судьялари ва суд ходимлари ўртасида спортнинг 3 километрга югуриш мусобақаси бўйича марафон бўлиб ўтди.

Мусобақада Фарғона вилоят суди жиноят ишлари бўйича судлов ҳайъати, Фарғона вилоят суди фуқаролик ишлари бўйича судлов ҳайъати, Фарғона вилоят суди иқтисодий ишлар бўйича судлов ҳайъати, Жиноят ишлари бўйича Фарғона минтақаси судлари, Жиноят ишлари бўйича Қўқон минтақаси судлари, Фуқаролик ишлари бўйича туманлараро судлари ва Иқтисодий ишлар бўйича туманлараро судларининг судья ва суд ҳодимлари иштирок этди.

Мусобақа натижасига кўра 2,5 кмга югуриш бўйича аёллар ўртасида биринчи ўринни Марғилон туманлараро иқтисодий судининг ходими Дилшода Рахмонова ҳамда эркаклар ўртасида 3 кмга югуриш бўйича жиноят ишлари бўйича Сўх туман судининг ходими Илғорбек Ашуралиевлар қўлга киритди.

Марафон якунида ғолиблар вилоят суди раисининг ташаккурномаси ҳамда эсдалик совғалари билан такдирланди.

Талабалар билан очиқ мулоқат ўтказилди

Гендер тенглигини таъминлаш, хотин-қизлар ва эркаклар учун тенг ҳуқуқ ва имкониятлар яратиш Ўзбекистон Республикасининг асосий мақсад вазифалари ҳисобланади.

2021 йил 4 август куни Фарғона вилоят суди раиси томонидан тасдиқланган “2021 йилнинг август-декабрь ойлари давомида суд тизимида фаолият юритаётган ёшларнинг суд-ҳуқуқ ислоҳатларини амалга оширишлари бўйича медиа-режа ижросини таъминлаш юзасидан Фарғона вилоят суди судларида фаолият юритаётган ёшлар учун” медиа-режанинг
3-банди ижросини таъминлаш мақсадида Фарғона вилоят суди судья катта ёрдамчилари Жахонгир Саттаров, Мухаммадали Махмудовлар 2021 йил
29 сентябрь куни Фарғона Жамоат саломатлиги тиббиёт институтининг биносида “тиббий профилактика ва жамоат саломатлиги факультети билан ҳамкорликда  “Гендер тенглиги, аёлларнинг жамият ва оилада ролини ошириш” мавзусида секминар ўтказилди.

Семинарда 2019 йил 2 сентябрда қабул қилинган Ўзбекистон Республикасининг “Хотин-қизларни тазйиқ ва зўравонликдан ҳимоя қилиш тўғрисида”ги қонуни ҳамда “Хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисида”ги қонунларнинг мазмун моҳияти, ҳозирги кунда гендер тенглигини таъминлаш, аёлларни жамиятда ролини ошириш юзасидан амалга оширилаётган ислоҳатлар ёритиб ўтилди.

Ўтказилган семинар очиқ мулоқат тарзида ўтказилиб
савол-жавобларга бой бўлди.

Фарғона вилоят суди жамоатчилик ва оммавий ахборот воситалари билан алоқалар  бўлими

Skip to content